Home General Ta importante pa tin un paspoort valido

Ta importante pa tin un paspoort valido

35
0
SHARE
- Advertisement -

Segun directora di Censo

ORANJESTAD   (AAN):  Censo tin 113 mil hende registra den e Bevolkinsgregister. Di e 113 mil aki, 91.705 ta di nacionalidad Hulandes. Sra. Sharlin Luydens ta amplia ariba esaki.

Di e 91.705 personanan aki, 73.169 persona tin un paspoort valido. Es decir, 18.763 no tin un paspoort valido. Esaki tin su consecuencia cun’e, ya cu ta importante pa un hende tin un paspoort valido, den caso di emergencia. Ta hopi bon cu e hende ta importante pa tin un paspoort valido. Esaki tin su consecuencianan.

Mester tene cuenta cu Censo no ta traha e paspoort na Aruba. Ora di haci e peticion, e peticion ta bay Hulanda. E paspoort fisicamente ta wordo traha na Hulanda, y ora e ta cla e ta wordo manda via post diplomatico pa Aruba, pa esaki wordo hinca den sistema, etc. pa despues e persona bin busk’e. No por duna un paspoort den menos di e tempo rekeri.

Pa loke ta trata e cedula, Sra. Luydens, esaki ta wordo traha na Aruba, contrario na paspoort, cu ta wordo traha na Hulanda. Den caso di emergencia, por pidi traha un paspoort di emergencia, cu ta costa 160 florin. Pero pa esey mester saca e paspoort di emergencia tambe, cu ta un 125 florin adicional, si acaso cu e ta un emergencia medico. Pero un paspoort valido no ta obligatorio. E ta necesario pa ora di biaha. Si e ciudadano kier biaha, e mester saca un paspoort.

Na Aruba no conoce un obligacion di identifica bo mes, dus no ta obliga di saca un cedula, Pero si bo kier wordo yuda na un banco, p.e. , bo ta obliga di saca un carchi di identificacion. Un paspoort no ta un obligacion, e ta un documento di viahe, y e ta un documento pa mustra bo nacionalidad, segun Sra. Sharlin Luydens.

 

- Advertisement -

DUNA COMENTARIO

Please enter your comment!
Please enter your name here