Home Actividad Especial Ta invita pa join tur actividad di Earth Hour “Ora di...

Ta invita pa join tur actividad di Earth Hour “Ora di planeta” rond di Aruba

39
0
SHARE
- Advertisement -

“Nos accionnan awe ta cambia nos mañan,  ban haci’e hunto”

Diasabra Maart 24,  2018  8:30-9:30 PM ora local ta bay tin un biaha mas rond mundo e “Earth Hour”. E tema di Earth Hour Intencionalmente pa 2018 ta !Connect2Earth !

Earth hour di e aña aki lo ser observa diasabra 24 di Maart, desde 8:30 pa 9:30 ora local

Na Aruba e actividad di e aña aki ta bai concentra den un accion di paga lus y desconecta e apartonan no importante ariba henter e isla pa un hora largo y cu cada persona por participa individualmente of cu coleganan of amigonan, den famia, na unda cu por ta. E ta un accion di promove responsabilidad personal cu nos planeta.

Earth hour Aruba a ricibi sponsor di Sagicor Life Aruba N.V. cu lo yuda promove den media e actividad di e aña aki, pa paga lus tur caminda ariba henter Aruba.

Durante e hora aki hopi hotel lo ta pagando nan lusnan no essencial sosteniendo e causa aki, cu active participacion di ATA y AHATA.

The Ritz-Carlton Aruba a uni cu e causa Connect2Earth y  ta organisa un Caminata durante e 1 ora di Earth Hour pa concientisa e importancia di nos medio ambiente na nos comunidad.

Pa mas informacion bisita e pagina aki na FB      https://www.facebook.com/careersRCAruba/ of via cel 597-2068 / 527-2222 ext 2405 2506

E concepto ta simple, djis paga lusnan no-essencial y deconesta tur e apartonan electrico pa un periodo di un ora.  Earth Hour ta ser organiza pa  World Wide Fund for Nature (WWF), cu e fin di promove tur actividadnan cu ta bai na fabor di e ciudadano y tambe nos medio ambiente.

Earth hour ta un movimiento global pa hisa e conciencia pa cambio di clima y impacto den medio ambiente. Earth hour a cumisa como un actividad di paga lus na Sindey Asutralia den 2007. Cada aña ta crece mas y mas,  aña 2017 cu un total di 184 pais.

Ora di Planeta a bira un actividad cu ta uni mas pais y teritorionan den henter mundo, cu mas di 7,000 ciudad participando den e actividad di e aña aki. Aruba ta den e lista di e paisnan rond di mundo.

Cu e celebracion mundial di Earth Hour. Hopi ciudad a anuncia nan participacion cu accionan di paga lus den nan monumentonan mas famoso, manera China’s Forbidden City, Paris’ Eiffel Tower, Table Mountain of Capetown, Great Pyramids of Egypt, London’s Buckingham Palace, Brazil’s Christ the Redeemer statue, Niagara and Victoria Falls, the Empire State Building, Sydney’s Opera House y hopi mas.

Nos mama Tera lo gradici nos. “Danki Aruba” den nomber di  Earth Hour Aruba Community

 

 

 

 

- Advertisement -

DUNA COMENTARIO

Please enter your comment!
Please enter your name here