Home General Ta pidi tur hende pa yuda Uba cu loke mester pa mehora...

Ta pidi tur hende pa yuda Uba cu loke mester pa mehora su salud

65
0
SHARE
- Advertisement -

Cama special ta di importancia pa Uba

ORANJESTAD(AAN): E cuestion aki ta trata di Uba y di ningun hende mas. E team trahando pa yuda Uba baha peso ta uno voluntario. Obviamente, cuminda ta hunga un rol grandi pa baha peso.

E unico yudansa cu ta pidiendo awor aki, ta un donacion riba cuenta di e ruman, pa yuda cumpra e cumindanan saludabel cu e tin mester, pa e por sigui baha. Loke ta Wild, Rudi Carti, dr. Thuis, tur ta haciendo esaki voluntariamente y no kier ningun cen den esaki. Tur cos tin cu bay pa Uba.

E di dos cos ta cu mester di un cama. E cama cu e tin, ta un cama traha. Pa motibo di e cama aki, e no por haya e cuido necesario cu e tin mester. No ta e peso so ta e problema, pero tin mas cos. Mester di un bon cama. Ora cu haya e cama aki, e ta keda un donacion pa Wit Gele Kruis, cu si tin un caso mas manera esaki, tin un cama caba.

E cama ta bin cu un balans. Por mira tur dia kico ta pasando. Awor aki mester di planea, ken, kico, Brandweer bin pa pis’e y no ta leuk pa Uba tampoco pa pasa aden. Mester full un planeacion pa por pis’e un biaha pa luna.

E cama ta super fuerte, e ta halto. E hendenan di Wit Gele Kruis, no mester di bay buk demasiado y manca lomba, pa wak si nan por yuda Uba. Awor aki e cama ta mucho abao. En principio dos cos mester. Ta e parti di comemento, cual ta e parti mas facil, cual ta mas affordable.

E cama mes, mester bin di Inglatera y tin un costo di 12 mil pond, cu ta un averahe di 36 mil florin. Mientras cu ta yudando cu e cuminda cu e ta bahando, poco poco lo bay por ta kisas na e comerciantenan y cera un suma, pa por yega na e cama.

E cama lo bay keda pa Wit Gele Kruis. Manera cu Uba keda bon, e cama lo wordo obsekia na Wit Gele Kruis, pa hendenan cu tin caso asina.

Number di cuenta

Por bay riba e pagina di Facebook di Rene Wild, unda cu por haya tur e informacion necesario con pa tuma contacto cun’e

Reaccion

E reaccionnan ta positivo. Tabata tin hopi reaccion y hendenan ta puntra con pa yuda. Donacionnan ta drentando. Si no tende noticia hot, e ta cay. El a cuminsa hopi bon. A cay un tiki, pero ta bon mes pa motibo di e articulo publica, e storia a pickup un biaha mas.

No kier keda bombardea Aruba cu e noticia aki, pero e ta necesario. Ta spera cu mas donacion sigui drenta. Simplemente ta pa yuda Uba cu e parti di comemento. Cu e placa ta bay direct supermercado of pa e persona cu ta cushina pe. Despues lo bay mas grandi pa loke ta e cama.

Come hopi sin bira gordo

Bo por come hopi sin bira gordo. Wild mes ta come 6 pa 7 biaha cuminda cayente pa dia. E cos ta bo mester sa kico pa come, ki ora pa come y tipo di cuminda pa come. Si bay come 6 biaha pa dia, aros, spagheti of salada di macaroni, bo no por. E tipo di cuminda ta dicidi cuanto bo tin di come.

Ora bo ta baby, ta cada tres ora bo ta haya cuminda, lechi. Nos a wordo traha pa come asina ey. Kico ta pasa, ningun hende no tin tempo ni e trabao, ni e gana, ni e afan pa para cushina cuater cuminda. Mas facil ta pa cumpra cuminda of pasa cualkier fastfood.

 

- Advertisement -

DUNA COMENTARIO

Please enter your comment!
Please enter your name here