Home General Ta Staten mester percura pa nan tin e Draagvlak pa atende e...

Ta Staten mester percura pa nan tin e Draagvlak pa atende e asunto

10
0
SHARE
- Advertisement -

E discusion di independizacion di DPS…

ORANJESTAD (AAN): E simannan aki si ta masha hopi mes e palabra “Draagvlak” ta wordo usa pa e politiconan, relaciona cu e idea di Ministro di Enseñanza pa bay independiza Departamento di Scop Publico, DPS.

Segun observadornan, politiconan tin di stop di hunga cu sentimento di trahador pa saca probecho politico.

Pasobra algun Parlamentario ta blof den prensa, cu tin di check si tin draagvlak pa asina aproba e independizacion.

Siendo cu tur Parlamentario sa masha bon cu unico caminda cu mester draagvlak pa lanta e Stichting aki ta den Parlamento.  Y esaki a keda aproba pa numeroso independizacion of privatizacion den pasado.

Corda mes ora cu a aproba e aceptacion na Censo di Matrimonio di mesun sexo, tabatin indicacion cu un porcentahe halto na Aruba tabata contra e ley, y apesar cu ni den AVP tampoco tabatin draagvlak, tog den Staten e partido geel a coopera cu nan contra voluntad di pueblo pa pasa e ley.

Unico lugar cu mester Draagvlak ta staten!  Pues loke e Parlamentarionan Edgar, Marlon, y Marisol tin di haci eyden, percura pa nan tin un Draagvlak pa djis warda e Proyecto di Ley di Independizacion DPS yega, y agrega acerca un amienda cu ta contene e “Overgangsregeling”, mustrando cu tur trahador/docente cu ta bay over pa e Stichting, lo mantene status di Ambtenaar…  Cla ta!  Afgelopen!  Nada mas di discuti.

Pues, pa awor, stop di haci politica cu e palabra “draagvlak”.

 

- Advertisement -

DUNA COMENTARIO

Please enter your comment!
Please enter your name here