Home Comentario Tarifa pa localnan sin Smartcard ta fls. 4.50 mescos cu turistanan ta...

Tarifa pa localnan sin Smartcard ta fls. 4.50 mescos cu turistanan ta paga

62
0
SHARE
- Advertisement -

Reaccion pa coregi declaracion director Arubus:

ORANJESTAD (AAN) – Na nos mesa di redaccion a drenta reaccion di algun pasahero di Arubus, cu mayoria di biaha ta nan medio di transporte y cu no necesariamente tin un smartcard.

Nan a lesa den corant y a scucha na radio, e director di Arubus declara cu e tarifa pa pasahero local ta 3 florin y 4 florin pa turista.

E pasaheronan ta puntra ta di unda e director di Arubus a saca e prijs ey? Pasobra 3 florin ta costa si, si bo ta cumpra un smartcard. Pero si no ta asina e pasahero local ta paga 4.50 fls, mescos cu e ta costa pa turista unda tambe ta coregi e funcionario cu a papia di 4 florin.

Un director cu no sa exactamente cuanto e prijs pa trip ta, no ta parce cu ta mucho informa anto di e maneho di prijs di e compania cu e ta maneha.

Algo cu segun e pasaheronan ta laga hopi di desea.

Salario di chofernan:

Ademas a drenta un critica tocante locual e mesun funcionario aki a menciona tocante salario di chofernan. Hamas y nunca nan ta gana 6 mil florin. Hopi chofer a keda babuca tambe ora di a tende esey hustificando e gastonan halto di Arubus. E pregunta ta pakico e no a menciona cuanto e mes ta gana? Cuando cada miembro di su staff ta gana?

E chofernan cu ta e berdadero motor di e compania, esnan cu ta traha cu mal of bon tempo, cu ta chupa calor sin fin den mayoria di e busnan, pasobra nan no tin airco; esnan cu tin cu guli zundra di cierto pasaheronan ora cu nan ta laat pa motibo cu of no tin suficiente bus of no tin suficiente chofer pasobra nan ta bira malo mester tuma AO, of ora e bus ta para riba caminda pasobra e no ta funciona bon, of ora cacalaca ta sali for di vloer bao di stul of ta bula riba nan cabes.

Y tur esaki sin tene cuenta cu e malesanan cu nan ta sufri: problema cu schouder, lomba, presion halto, etc., pa cual ni sikiera tin un seguro apart dentro di un cuadro di seguridad laboral. Well, well, nan ta esnan di mas mal paga, segun reaccion.

Cu otro palabra, tin reaccion tocante e hecho cu e director di Arubus cada bez cu e ta papia no ta bisa e cos manera e ta. Ban wak con Minister ta tuma carta den Arubus, pasobra el a reuni cu e trahadornan y a scucha atentamente tur keho cu tin. Ta djis ban wak…segun reaccion.

- Advertisement -

DUNA COMENTARIO

Please enter your comment!
Please enter your name here