Home Gobierno Task Force di City Inspector a para trabaonan banda di Seroe Cristal...

Task Force di City Inspector a para trabaonan banda di Seroe Cristal y Babijn

237
0
SHARE
- Advertisement -

E companianan no tabata tin nan hindervergunning

ORANJESTAD  (AAN): Diamars a tuma lugar un conferencia di prensa na oficina di City Inspector, unda cu project leider Task Force City Inspector Kenny Montero a papia riba e task force cu a wordo funda pa Ministernan Andin Bikker y Otmar Oduber recientemente y a haya e autoridad pa actua riba e leynan di APV, e Hinderverordening y tambe e ley di cacho.

Segun Montero, Dialuna nan a tene un accion, unda cu a bishita algun compania cu ta operando riba e tereno banda di Seroe Cristal (Kala Romana N.V y Caribbean Beton) y tambe na Babijn (BIG).

“Nos a bishita e companianan hunto cu e departamento di DNM y e motibo ta pa controla e asina yama ‘Hindervergunning-nan’ cu e companianan aki por tin”.

“A resulta cu ningun di e tres companianan aki tabata den posesion di nan hindervergunning”.

Esaki segun Montero, kende a indica cu e ora ey nan a para tur e operacionnan di e companianan, pendiente di nan hindervergunning.

Montero a indica cu por spera cu hopi mas di e accionnan aki ta bay tuma lugar.

E intencion ta tambe pa controla e autonan bieu para banda di caminda y sacamento di awa di pos riba caminda.

Banda di esaki ta bay atende tambe cu casonan di maltrato di bestia.

E meldpunt unda cu hende por bin cu keho y informacion, ta bay wordo anuncia dia 2 di April.

Durante e conferencia di prensa, Danilo Prescot, miembro di e task force di City Inspector  tambe a hiba palabra.

El a indica cu ta bay hasi hopi control tambe riba tiramento di awa sushi den damnan.

 

- Advertisement -

DUNA COMENTARIO

Please enter your comment!
Please enter your name here