Home Gobierno Task Force y Bureau City Inspector ya caba por actua pa loke...

Task Force y Bureau City Inspector ya caba por actua pa loke ta infraccionnan di medio ambiente

52
0
SHARE
- Advertisement -

Minister Otmar Oduber:

ORANJESTAD (AAN) – Minister Otmar Oduber, titular di Infrastructura y Medio Ambiente, a declara den conferencia di prensa, Diaranzon mainta, cu durante e ultimo lunanan e hunto cu su colega di Husticia mr. Andin Bikker y Buro City Inspector, a bin ta trahando riba cierto cambionan manera a wordo anuncia.

Oduber a expresa su gratitud na Minister di Husticia pa e apertura cu tabata tin. El a acentua cu manera nan ta bisa “si por hacie na un manera pragmatico, pakico busca e manera mas dificil pa hacie”.

El a splica cu ideanan a wordo treci hunto con nan por atende cu situacionnan cu ta haci hopi dolor den comunidad, por ta chikito dentro di e maneho general di un gobierno, pero cu ta pisa masha hopi pa cada ciudadano cu ta biba den barionan rond di nos Isla.

“Den e caso aki Minister di Husticia y mi persona a firma un Ministeriele Beschikking (MB), den cual bao di departamento di City Inspector ta crea un Task Force, cu lo bay worde encabeza pa sr. Kenny Montero, Belinda Maduro, sr. Danilo Prescott, kendenan conhuntamente cu tur e inspectornan y e director di e Buro di City Inspector lo tin tareanan adicional di loke ya caba nan tabata eherciendo, pero principalmente ta haya Bevoegdheid y wordo autoriza pa por actua y traha tambe den e prome fase. Nos ta bezig tambe deliberando hunto cu sr. Bikker cu e aña aki tur inspector lo haya e mesun ‘Bevoegdheid’ pa por actua riba diferente punto di control y supervision cu mester tuma lugar den nos comunidad”, e dignatario a expresa.

Minister Oduber a subraya cu el a mira leynan, y a biba esaki, den e prome simannan y lunanan den su posicion den e gobierno actual y cu tambe ta wordo sinti den comunidad, cu berdad tin un departamento di City Inspector pero si nan no por actua, si no tin e autoridad y competencia pa hacie, na cierto momento nan ta traha di alma y curazon pero hopi biaha nan no ta haya oido of no tin e autoridad pa nan por actua.

E dignatario a subraya cu, den e caso a tuma un decision riba e Ministeriele Beschekking aki, cu ta wordo reforza door di un Landsbesluit, pa no solamente e tareanan cu nan tabata tin pa atende cu e aspecto, di  dumpnan ilegal y tur aspecto di mantencion di limpieza cu mester tin e control riba dje den nos pais, articulonan den e ley cu tin di haber cu infraccionnan di nos medio ambiente, cu den pasado nunca a duna autoridad na e departamentonan pa por actua, e intencion ta pa mañan nos por bay na Direccion di Medio Ambiente y otro departamentonan tambe pa por duna nan autoridad pa nan por actua.

Den e caso aki e Task Force acompaña pa tur e inspectornan, lo haya autoridad pa por actua riba e puntonan menciona.

 

- Advertisement -

DUNA COMENTARIO

Please enter your comment!
Please enter your name here