Home Policial Taxi Pirata femenino y pa colmo burachi atrapa ta core cu turista...

Taxi Pirata femenino y pa colmo burachi atrapa ta core cu turista na Highrise Hotel

554
0
SHARE
- Advertisement -

ORANJESTAD(AAN): Dialuna anochi un unidad di Polis moviendo riba brommer banda di Highrise Hotelnan den Palm Beach, a mira algo raro.

E agente a dicidi na stop un auto cu tabata transporta turista. Polisnan a mira con e auto cu number-A a lanta e turistanan bay cune. A duna e chauffeur pa para. Ora cu el a para a resulta cu e turista no tabata sa mes cu ta auto pirata nan a subi.

E Polisnan a cuminsa cu investigacion y a constata cu e chauffeur femenino ta mustra bebi tambe. Ademas e auto di fabricacion chines di marca Haima color corra cu number A-35811 no tabata tin documentonan na ordo.

E chauffeur pa colmo no por a proba un rijbewijs valido.  Esey a laga autoridad babuca.

Den consulta cu Fiscal, autoridad a dicidi na confisca e auto tambe. E muher aki tin basta cos ta colga riba su cabez y awor ta fiscal mester dicidi kico lo sosode.  Posibilidad ta grandi cu e lo por perde hasta su auto.

E muher no sa den ki peligro e ta hinca Aruba su turismo, y tambe e ocupantenan aden.  Den caso di accident, AZV lo no paga pa e pasaheronan.  Si acaso e tabatin aseguro mes, como cu e ta un Taxi Pirata, e aseguro tampoco lo no paga pa e pasaheronan e ora.

Pirata di Taxi mester stop! Asina tin hopi auto mas riba caya cu e mesun situacion haciendo trabao pirata.

E turistanan no a keda deteni. Autoridad a tuma declaracion y despues nan por a bay nan hotel.

 

- Advertisement -

DUNA COMENTARIO

Please enter your comment!
Please enter your name here