Home Gobierno Te awor porfin Gobierno a haya computernan bek

Te awor porfin Gobierno a haya computernan bek

307
0
SHARE
- Advertisement -

ORANJESTAD (AAN): Computernan potente pa editing di video y audio di e marca Apple, cu den pasado durante Gabinete Eman tur hende por a pasa mira nan ta show den oficina di Departamento di Prensa, a desaparece ora cu Gobierno nobo a drenta.

Desde Dialuna atardi, diferente equipo di iMac, Apple Desktop PC, speakers, keyboards, a wordo recupera door di Recherche, y ta bek den poder di Gobierno di Aruba.

A bin haya sa, cu Autoridad Hudicial di Aruba a bishita cas di dos ex-Coordinador di Prensa di ex-Premier Mike Eman, y aki a bin haya e equiponan.

Ta trata di un Apple Desktop PC cu su screen, tambe un iMac, y tambe cahanan di diferente Apple iPad Air cu Gobierno anterior a cumpra.  Tambe a haya speaker y mas.

Recherche riba Dialuna, a entrega esaki back na bestuurskantoor unda pronto e personal di Gabinete Wever-Croes, trahando cu e Prome Minister por cuminza opera cu equiponan cu ta di Land Aruba.

Tin indicacion cu tin mas equipo cu no por a haya ainda.  Lo peor ta cu misteriosamente, varios dato di compras di entre 2009 y 2014, a “delete” di archivo.  Aki ta pensando cu un persona cu antes tabata traha como experto di IT na Gobierno, lo ta reponsable cu e informacion ey ‘convenientemente’ a desaparece di files.

 

- Advertisement -

DUNA COMENTARIO

Please enter your comment!
Please enter your name here