Home Salud Tin cierto tipo di cancer di cuero mas bisto riba grandinan

Tin cierto tipo di cancer di cuero mas bisto riba grandinan

13
0
SHARE
- Advertisement -

ORANJESTAD(AAN): Spinocelulaire carcinoma cu ta un sintomanan di cancer di cuero tambe ta presente. Segun dokter Sharlene Vis, e tipo aki por wak mas cerca e grandinan. Por hay’e na jong tambe, pero mas tanto cerca hendenan grandi cu a worde exponi hopi na solo. Hopi biaha nan ta haya un cuero un tiki cu cayo duro, tiki stijf cu casca y seco.

Segun dr. Vis, no tarda hopi cun’e. E no ta plama lihe, pero e por plama na dado momento y bay riba un instante, riba un parti di curpa. Ta importante pa bay na tempo

Voorfase:

Tin un voorfase di esaki. E Actinische keratose, no tur ora ta daño di solo, ta bira maligno. Por ta un 10 porciento. Pero toch si bo ta wak tin cambio na cuero cu ta bin door di solo, toch laga dokter wak, si ta bira algo malo. Hopi biaha e actinische keratose, ora bo ta wak cu e ta infecta, bira cora, hincha. E ora tin cambionan caminda tin cu tuma accion. Importante pa menciona ta hendenan cu ta traha riba beach.

Hendenan cu ta henter dia den solo of ta traha banda di caminda y ta yuda nos reconstrui nos camindanan. Ta hopi importante pa nan proteha nan mes. Nan ta hopi exponi na solo. Mester uza toch un pechi of sombre hancho. Smeer e cuero bon. Nanishi, tur e acranan di e curpa. Tur cos cu ta sali, e orea, nanishi, man, pa proteha e cuero.

Tumor:

Si nos papia di e tumornan mas maligno di cuero, cual ta melanoma, ta cancer cu nos tin hopi miedo di dje. E ta hopi maligno y ta placa lihe. Por ta e influencia di solo den esaki ta menos no asina prominente cu e non-melanoma skin cancer. Ta importante si bo ta un hende cu tin hopi moedervlek of scupi dios. Ta importante pa bo conoce bo scupi diosnan bon. Si nan ta crece lihe of ta cambia di forma, ta bira iregular. E omtrek no ta bunita rondo mas. Of si el a cambia di color. Of si ta sandra of grawata, bay mesora dokter.

Si bo ta un hende cu tin hopi scupi dios, laga bo dokter wak regularmente. Por ta un biaha den mita aña. Vooral riba e plekinan cu bo mes no por wak pa bo monitor e cuero.

Esaki ta un di e tiponan di cancer cu ta plama hopi lihe. E no ta crece hopi riba e superficie, pero hopi den profundidad. Prome e ta crece bira tiki mas grandi riba e superficie, pero despues e ta bay aden. Tin diferente tipo. Dr. Vis ta un dokter di cas y por ta no ta necesario pa bay papia riba e tema, pero si kier indica cu si bo tin un ‘scupi dios’ cu ta cambia di aspecto, pa bay mesora bo Docter.

- Advertisement -

DUNA COMENTARIO

Please enter your comment!
Please enter your name here