Home Parlamento Trabao boluntario di Aruba Doet y su bon causa a laga atras...

Trabao boluntario di Aruba Doet y su bon causa a laga atras un enseñanza

2
0
SHARE
- Advertisement -

Parlamentario Shailliny Tromp-Lee:

ORANJESTAD (AAN) – Otro evento cu Parlamentario sra. Shailliny Tromp-Lee a gradici y elogia ta Aruba Doet. Un accion cu a tuma lugar pa un bon causa, a base di trabao boluntario.

Parlamentario Tromp-Lee a elabora riba kico ta enseñanza cu Aruba Doet a bisa nos. E dama a subraya cu nos tin cu saca algo di e Aruba Doet aki. Esaki ta cu mas cu 4 mil boluntario tabata riba pia e fin di siman aki y no por tapa solo cu un dede, pero si por mira e necesidad grandi cu tin pa loke ta trata mantenimento di diferente facilidad den varios area.

El a subraya cu mayoria scol y centronan di bario a participa den Aruba Doet, mescos cu mayoria institucionnan social, indicando e necesidad grandi cu tin pa fondonan, pa nan mes mantene nan facilidadnan, structuralmente.

Den pasado tabata existi un Task Force, y esaki ta un caminda unda mester sondea e posibilidad pa, si e ta activo use y si no, lante bek. Esaki ta e tareanan cu e Task Force tabata encarga cu nan.

E dama a subraya cu Aruba mester ta bunita pa nos tur cu ta biba akinan y haci di e trabao boluntario uno mas facil y placentero y aki ta unda cu gobierno ta e prome yama pa percura pa duna e asistencia y ayudo necesario, por ehemplo na e veldnan deportivo y e fundacionnan cu ta traha riba area social y mas cu tur cos na nos scolnan cu hopi di nan ta den un estado deplorable.

Structuralmente mester duna atencion na esaki. Berdad tin plannan pa construi den, entre otro, deporte y enseñanza pero mester pone acento na e parti di mantenimento.

E kier a urgi Fundacion Lotto pa Deporte un biaha mas. Manera ta conoci e parlamentario a dicidi pa, poco poco, bishita diferente facilidad cu ta bao Lotto pa Deporte.

Recientemente el a bishita e Compleho Deportivo Simeon Antonio, cu ta wordo uza pa deporte di Volley Ball, pero tambe scolnan ta haci uso di dje, pero e ta den un estado basta deplorable.

Pafo e ta bunita geverf y pafo e borchi di Lotto Cambiando Bida, pero e ta cuestiona e maneho cu a wordo hiba encuanto e facilidadnan.

E facilidad di Simeon Antonio, e dama a subraya, su dak y su vloer ta na werki. Tin bari na tur caminda pa colecta e awa cu ta liek ora tin awacero.

El a haci un bishita na e facilidad y a ripara cu ta un trahador so tin, cu ta un dama, ken el a mira cu hasta el a sinti un tiki berguenza. E mes tin cu percura pa tin e lugar mas presentable posible pa ora tin uso di dje.

El a menciona cu el a saca potret y a filma e condicionnan cu e facilidadnan deportivo ta mustra, cu e meta di no solamente presenta e situacion kico el a mira y pa pueblo realiza esaki, y cende e chispa di esnan cu ta stipula maneho di e facilidadnan aki den Lotto y den e  mesun facilidadnan deportivo aki, cu un cambio mester bin.

Un cambio di pensamento, prioridad y pa berdaderamente acomoda fondo unda esaki ta necesario.

 

 

- Advertisement -

DUNA COMENTARIO

Please enter your comment!
Please enter your name here