Home arte y espectaculo Tremendo entrevista cu Jeon y J Balvin den Don Francisco

Tremendo entrevista cu Jeon y J Balvin den Don Francisco

200
0
SHARE
- Advertisement -

ORANJESTAD (AAN)-  Diadomingo anochi por a mira e trememendo programa di Don Francisco riba TeleMundo, cu a dedica un parti interesante riba e hoben di Aruba, esta Jeon Arvani.

Don Francisco tabatin como invitado special, e reguetonero J Balvin y tambe Jeon Arvani.

Esnan cu a mira esaki a sinti nan mes sumamente orguyoso con Jeon, un Arubiano a siña Don Francisco algun palabra na Papiamento. Mas emociona e televidente local a keda ora cu Don Francisco a pasa un entrevista di tata, mama y famia di Jeon!  E famia a mustra con orguyoso nan ta, y esaki a conmove tanto Jeon como J Balvin.

Jeon a haya chens tambe chikito di canta pida di su famoso cancion “Dushi Bida”, cu acompañamento live den studio mes.  Jeon a splica cu un di su deseonan semper tabata pa aparece den e show di Don Francisco.  Esey debi cu su tata Robert Thiel semper tabata mira e show di Sabado Gigante, y pa tal motibo por bisa cu Jeon su soño a bira realidad.

Don Francisco a papia algun palabra elocuente tambe na J Balvin, pa mustra con ehemplar e ta pa duna otro musico un chens asina grandi pa presenta hunto cune, y publico presente a aplaudi esey.  J Balvin a indica, cu el a conoce Jeon prome como e calidad di persona y despues como artista.

“Fue mas importante conocer la persona que la artista,” J Balvin a bisa.  E ta contento di a conoce Jeon como un “calidad di persona” y despues el a haya sa cu e ta un fabuloso artista, y esaki ta garantiza amistadnan entre artistanan sigui florece.

DIARIO ta felicita Jeon, cu el a pone islanan ABC un biaha mas den spotlight!  Dal bay, sigui dilanti… sigui demostra bo talento mundialmente y  haci bo pais orguyoso.

 

- Advertisement -

DUNA COMENTARIO

Please enter your comment!
Please enter your name here