Home Hudicial Tres di e Chinesnan condena pa actividadnan bancario ilegal mester bolbe worde...

Tres di e Chinesnan condena pa actividadnan bancario ilegal mester bolbe worde encarcela

570
0
SHARE
- Advertisement -

Ademas cu placanan y propiedadnan lo keda confisca

ORANJESTAD (AAN): Diamars mainta Hues di Corte den Promer Instancia a dicta sentencia den e caso penal cu Ministerio Publico a cuminsa contra dos pareha Chines, kendenan ta worde sospecha di actividadnan bancario ilegal y labamento di placa.

E pareha Y.W. y Y.W a presenta cu nan abogado mr. Sulvaran y e dama J.L.H. a presenta cu su abogado mr. Lejuez. E casa no a presenta pasobra e tabata encarga cu e negoshi.

ACTIVIDADNAN ILEGAL:

Dia 22 y 23 Januari 2018, tratamento di e caso aki a tuma lugar. Hopi investigacion a tuma lugar y e caso aki ta hiba e nomber “Hamburg”.

Investigacion a mustra cu e parehanan ariba menciona tabata manda sumanan di placa for di Aruba pa China y di Aruba pa Sint Maarten y Anguilla riba gran escala.

E investigacion Hamburg a mustra cu dos di e sospechosonan tabata hiba actividadnan bancario ilegal y na gran escala.

Casi tur siman y pa periodo largo tabata manda sumanan di entre 500 Dollar y 100.000 Dollar pa exterior.

Tabata cobra comisionnan di 5%, pero tin biaha te 8%. Den un di e investigacionnan a confisca mas cu 2 miyon Florin.

Investigacion a mustra cu e entradanan aki tabata cumpra y paga propiedadnan.

Ora tabata paga terceronan, tabata paga e terceronan aki parcialmente den cash, y despues e terceronan tabata pone e placa aki back riba cuentanan bancario di e sospechoso.

Siguientemente e activonan fiho tabata worde paga desde e cuentanan bancario ey.

Asina tabata aparenta cu e cen tabata worde presta di e terceronan, mientras cu en realidad, e cen tabata di e sospechosonan mes.

SENTENCIA:

Diamars mainta Hues a bisa cu no ta tur e acusacionnan a keda legalmente proba y pesey el a reduci e castigo exigi pa Fiscal. Hues a cuminsa cu e pareha Y.W. y Y.W., caminda e ta haya cu nan ta culpable di actividadnan ilegal y hasta tabatin un arma di candela. Di tur loke a keda confisca por a scucha Hues menciona cas, auto Infinity y sumanan di placa.

Ta asina cu Hues a condena e homber Y.W. na 2 aña y 6 luna di prison, di cual 1 aña ta condicional cu un tempo di prueba di 3 aña. E muher Y.W. Hues a condena na 1 aña y 6 luna di prison di cual 6 luna ta condicional cu un tempo di prueba di 3 aña.

E otro pareha, Hues ta haya e homber J.H. culpable di actividadnan ilegal y arma y municion. Hues a conden’e na 1 aña y 6 luna di prison di cual 6 luna ta condicional cu un tempo di prueba di 3 aña. E muher J.L.H. a worde haya culpable di a yuda su casa. Hues a conden’e na un multa di 10 Mil Florin y si e no paga esaki e lo mester bay 85 dia sera.

MESTER BAY SINTA CASTIGO:

Hues a bisa cu e ta kita e suspension cu el a pone riba e detencion di e acusadonan. Di biaha a mira Abogado General yama e miembro di CEA pa laga detene e pareha Y.W. mientras cu e homber J.H. tambe lo mester worde deteni.

Abogado mr. Sulvaran a acerca e Abogado General y a pidi pa duna e pareha tempo pa regla nan cosnan.

Abogado General a bay di acuerdo y a keda palabra pa ayeratardi 4’or tanto e pareha como J.H. mester presenta na KIA pa nan caba di sinta nan castigo.

 

- Advertisement -

DUNA COMENTARIO

Please enter your comment!
Please enter your name here