ORANJESTAD (AAN): Informacion extra oficial cu a drenta ultimo ora ayeranochi ta indica cu ex inspector di Polis Andrew Hoo lo bira e siguiente Alto Comisario.
Un aña pasa mas of menos e tabata hefe na Noord unda el a haci un tremendo trabou . E mes ta un Polis fanatico di Curazon. Despues di bandona Cuerpo Policial aña pasa, el a bay traha den e area di seguridad na Marriott Hotel. E tabata encarga cu e seccion di Loss Prevention y Risk Management.
Ya caba a tuma contacto cu e futuro Alto Comisario Andrew Hoo y el a prefera di no confirma of duna comentario. Unico cos cu el a bisa tabata cu tin un conferencia diahuebs unda eynan lo tende tur cos. Asina mes fuentenan ta sigura cu e ta e candidato cu gobierno tabata bezig cune pa Alto Comisario.
Si ta asina cu Andew Hoo ta bira e Alto Comisario, DIARIO ta desea su persona tur clase di exito cu e funcion bon mereci.
