Home Cultura Un canto pa nos Bandera y Himno di Aruba, diabierna

Un canto pa nos Bandera y Himno di Aruba, diabierna

151
0
SHARE
- Advertisement -

ORANJESTAD (AAN)—Diabierna anochi un biaha mas a tuma lugar ariba plaza Betico Croes, un otro anochi di e festival di un canto pa nos Himno y Bandera, caminda diferente persona cu talento pa por canta bunita, a subi stage y asina ofrece na e publico grandi cu tabata tey presente, un dushi anochi cu canticanan di nos y pa nos.

Ariba e anochi aki tambe nos por a wak e standnan cu cuminda crioyo y otronan cu artesania, tabata cla pa ofrece tur presente algo bunita y dushi pa recorda e dia aki.

Sr. Harry Croes a hiba palabra na esnan presente y por sinti na e stem di Harry, cu e sa cu e tin di bay, pero lo tarda basta prome cu e bay, ya cu manera e mes a declara, e debe hopi hende ainda.

Ta bon pa remarca cu loke Harry tabata kier min cu e frase aki, ta cu e debe hopi hende e danki cu a yude den tur su actividad nan y e debe nos Aruba, festival di Dande y festival di Cultura, un staff hoben, dinamico y responsible pa continua cu e trabou cu su persona a bin ta haci pa hopi aña.

Diadomingo lo ta e final y ta spera cu plaza Betico Croes, bira chikito pa tur e hendenan cu lo presenta pa aprecia nos cantantenan y nos musica crioyo.

- Advertisement -

DUNA COMENTARIO

Please enter your comment!
Please enter your name here