Home Salud Vacuna contra keintura geel a caba na Aruba

Vacuna contra keintura geel a caba na Aruba

8
0
SHARE
- Advertisement -

Debi na demanda grandi

ORANJESTAD   (AAN): Siman pasa Departamento di Salud Publico a anuncia cu entrante 1 di maart lo cuminsa controla tur turista cu ta procedente di paisnan endemico pa keintura geel riba nan prueba di vacunacion.

Despues di e anuncio aki seccion di Malesanan Contagioso a ricibi hopi hende cu a pasa busca e vacuna preventivamente. E cantidad substancial di persona cu a acudi no por a wordo premira mirando cu añanan anterior e demanda pa e vacuna aki bou di nos residentenan no tabata asina halto.

Seccion di Malesanan Contagioso mirando e demanda grandi a conclui cu ta bay tin mester mas vacuna y a cuminsa tuma contacto mes ora cu Organisacionan Internacional di Salud y tambe cu paisnan den Caribe sondeando e posibilidad pa cumpra mas vacuna, pero lamentablemente no a logra esaki riba termino corto.

E vacuna contra keintura geel no ta uno facil pa haya debi na e diferente epidemianan cu tin. Esaki ta haci cu e proceso pa haya e vacuna bek na Aruba lo tarda 3 siman. Ta premira cu mas tarda fin di maart of poco mas trempan lo tin e vacuna disponibel atrobe. Manera cu nos tin e vacuna nos lo informa comunidad riba esaki.

Seccion di Malesanan Contagioso ta conseha tur persona cu ta bay viaha pa paisnan unda cu tin keintura geel pa proteha nan mes door di uza repelente contra sangura regularmente y bisti paña cu manga y pia largo y si na bo regreso bo presenta sintoma di keintura acudi cerca bo dokter di cas mas pronto posibel.

 

Pa mas informacion por tuma contacto cu seccion di Malesanan Contagioso di Departamento di Salud Publico na 522-4200.

 

 

 

 

- Advertisement -

DUNA COMENTARIO

Please enter your comment!
Please enter your name here