Home Enseñanza Vicario Ellis cu investigacion interesante tocante “drop out” na scol

Vicario Ellis cu investigacion interesante tocante “drop out” na scol

28
0
SHARE
- Advertisement -

Na Universidad di Aruba

ORANJESTAD  (AAN):  Vicario Ellis ta bin for di St. Maarten y tabata e prome studiante regional pa gradua cu un  Bachelor den “Social Work and Development” na Universidad di Aruba. E ceremonia a tuma lugar riba 9 di februari 2018. Su mayornan, rumannan y sernan keri a biaha for di St. Maarten pa celebra e ocasion significante na Aruba.

Gregory Richardson kende tabata Vicario su Research Coach a describi’e como un hoben resistente kende tin un interes profundo pa sigura cu tur hoben masculino keda den school. Pa finalisa, el a scohe e topico: “Young Males and Females Jeopardizing their Future: A Case Study of Social Factors Affecting their Completion of Secondary Education in Aruba.”

Vicario a uza un metodo mixto na unda el a entrevista  61 mucha di school entre e edad 16 – 18 aña y profesionalnan riba e tereno. E resultadonan di e investigacion a revela cu tin mas factornan cu ta ‘pusha’ compara cu esunnan cu ta ‘atrae’ responsabel pa drop out for di school den e muestra di e muchanan di school na Aruba. Algun di e factornan cu ta ‘pusha’ ta inclui e clima na school, organizacion na school, conflicto entre mucha y docente y suspension. Entrada di famia y e nivel di educacion di su mayornan tambe tabata factornan cu ta ‘pusha’.

E departamento di ’Social Work and Development’ kier extende su gratitut pa Angelique Perez di Sonrisa, Meredith Concincion di Foundation Judicial Institutes St. Maarten, Nastasia Verheijen di Stichting Wit Gele Kruis, Mayrene Ras- Croes y  Geraldine Tromp di Maria College and Souxie Kock di Heart Centered Leadership Foundation kende a guia Vicario durante su pasantia.

Ta invita mas studiante for di St. Maarten, Saba, Bonaire y St. Eustatius pa uni na e programa ‘Social Work and Development’.  Bishita e website di Universidad di Aruba: www.ua.aw pa mas informacion tocante e programa ‘Social Work and Development’ y sigui nan riba facebook University of Aruba-Social work & Development.

- Advertisement -

DUNA COMENTARIO

Please enter your comment!
Please enter your name here