Home Deporte Weganan di Center League a sigui den weekend

Weganan di Center League a sigui den weekend

22
0
SHARE
- Advertisement -

ORANJESTAD(AAN)—Weekend tras di lomba a tuma lugar continuacion di campeonato di weganan di Aruba Center Little League den tanto Minor como Little riba tereno di Dragon Hitters.

Diasabra den categoria 9-10 Minor Sabana Grandi a cai venci contra di Rockets cu e score di 11 pa 2. Rockets tabata tin 11 careda nan a conecta 1 hit y a comete 4 error.

E equipo di Sabana Grandi tabata tin 2 careda nan a conecta 1 hit y a comete 1 error.

Pitcher ganador a resulta Javen de Luvia y a perde Zyon Koolman.

Mihor bateador Sabana Grandi tabata Noah Hewitt cu un hit den dos turno, pa Rockets tabata Shayron Ruiz un hit den un turno.

Den categori 11-12 aña, Grasshopper tabata tin 9 careda a conecta 8 hit y a comete 1 error.

Rockets tabata tin un careda nan a conecta 3 hit no a comete eror,.

Pitcher ganador a resultaJayron Kelly y a perde Dyron Kock.

Mihor bateador pa Rockets tabata Chanmarc Beaumont di 1-1, Joshue Webb un hit den dos turno y Nathan Zapata un hit den dos turno, Quishawn Angel 2-1.

Pa Grasshopper a luci na bate, Sebastian Marquez di 4-2, Keyon Ashby 1-1, Jermain Farro 3-1, Axel Lindeborg 1-1, Ian Kock 2-1,Jayrick Werleman 1-1, Jaytoine Kelly 2-1.

E ultimo wega diasabra, Flatstone ta gana di Stars cu s core di 4 pa cero.

Stars 0 careda, no a anota hit a comete un error.

Flatstone tabata tin 4 careda a conecta 6 hit y no a comete error.

Pitcher ganador a resulta Zarick Tromp y a perde Joenelly van der Linden.

Mihor bateadornan Flatstone tabata Rayven Rasmijn 3-2, Xavier Werleman 3-1, Jean Paul Anthony 3-1, Antron Franken 3-1, Jaden Pietersz 2-1.

 

DIADOMINGO

E weganan di diadomingo den categoria 11-12 Rockets ta cai venci contra di Flatstone cu e score di 6 pa 2.

Rockets tabata tin 2 careda, nana conecta 2 hit y a comete 5 error.. Flatstone tabata tin 6 careda, nan a conecta 3 hit y a comete 1 error.

Pitcher ganador a resulta Xavier Werleman y a perde Jodhue Webb.

Mihor bateadornan pa Rockets tabata Joshue Webb 2-1 y Wilmer Dotel 2-1.

Pa Flatstone tabata Mario Martinez 3-1, Antron Franken 3-1 y Derbyson Maduro 2-1.

Grashopper a laga Stars den tereno, Stars tabata tin 5 careda nan a conecta 5 hit y no a comete error..

Grasshopper tabata tin 6 careda nan a conecta 4 hit y a comete 2 error.

Pitcher ganador tabata Jermaine Farro y a perde Daniel Benschop.

Mihor bateadornan pa Stars tabata Daniel Werleman 3-2, Shaquion van der Biezen 3-2 dicual dos homerun, Nathan Carty 2-1. Pa Grasshopper a luci na bate Keyon Ashby un homerun, Juameth Ignacio 2-1, Jermaine Farro 3-1, Jayrick Werleman 1-1.

E ultimo wega di weekend tabata entre Aruba Tiger y Grasshopper den categoria 9-10 aña.

Aruba Tiger a bin gana cu e score di 13 pa 3 riba e muchanan di Grasshopper.

Aruba Tiger tabata tin 13 careda, nan a conecta 3 hit no a comete error, y e equipo di Grasshopper tabata tin3 careda, nan a conecta 7 hit y a comete 2 error.

Pitcher ganador a resulta Jovin Willems y a perde Ryden Lopez.

Mihor bateadornan pa Aruba Tigers tabata Edelmar Croes di 2-1, Joscar Rodriquez 1-1, Jonathan Urbina di 1-1.

Pa Grasshopper tabata Desco Lindeborg 2-1, Devion Hernandez 2-1, Jaycke Falconi 2-1, Ryden Lopez 2-1, Yeaderd Figaroa 2-1, Miguel Pinto 2-1.

- Advertisement -

DUNA COMENTARIO

Please enter your comment!
Please enter your name here