Home arte y espectaculo Workshops creativo na Cosecha pa celebra dia 18 di Maart

Workshops creativo na Cosecha pa celebra dia 18 di Maart

9
0
SHARE
- Advertisement -

ORANJESTAD (AAN): Dia 18 di Maart tin workshops creativo den Cosecha su Creative Center na San Nicolas. Cu oportunidad pa traha artesania y arte, Cosecha kier celebra hunto cu publico nos dia di Himno y Bandera.

E prome workshop ta di e artesana Natalia Koolman. Durante di e workshop aki e participante lo traha su cas di cunucu cu e material di driftwood y di otro material recicla. Lo verf tambe un par di piesa y pa finalisa e piesa e participante lo pone su bandera di Aruba den cunucu.

E horario di e workshop aki ta di 10.00am – 11.00am y e edad pa participa ta di 8 aña bay ariba. E prijs ta 20,00 Florin inclujendo material y refreshment. E di dos worshop ta di e pintor Erika Moran.

Bou di guia di Erika nos lo pinta e bandera di Aruba cu un paisaje riba e background. Lo husa verf di arcylic durante e workshop aki.

E horario di e worskhop ta di 13.00pm-14.00pm y e edad pa participa ta di 10 aña bay ariba. E prijs ta 25,00 Florin inclujendo material y refreshment.

Pa inscripcion y mas informacion por tuma contacto cu Cosecha San Nicolas na telefoon 587-8708 of Cosecha Oranjestad na telefoon 587-8709. Tambe por manda un email na arubacosechasn@gmail.com.

 

- Advertisement -

DUNA COMENTARIO

Please enter your comment!
Please enter your name here