Home Hudicial A cuestiona cuenta bancario di Chines sospechoso di asalto arma caminda a...

A cuestiona cuenta bancario di Chines sospechoso di asalto arma caminda a mata su mesun tanta

293
0
SHARE
????????????????????????????????????
- Advertisement -

ORANJESTAD (AAN): Tratamento di e investigacion extra cu Hues a pidi a tuma su tempo den Corte. DIARIO a publica un parti caba y awe ta publica e investigacion financiero cu a keda haci pa Ministerio Publico. Tanto Fiscal como Hues a cuestiona e forma cu e sospechoso P.F. tabata anda cu placa.

CUENTANAN BANCARIO:

Fiscal a puntra P.F. cu riba su cuenta bancario ta mira cu hopi biaha placanan cash ta worde deposita. Fiscal tabata kier sa di unda P.F. ta haya e placanan aki.

Segun P.F., di su negoshi e ta haya placa cash y ta paga cash. Fiscal a remarca cu for di e investigacion a constata cu nunca P.F. ta paga su cuentanan via banco.

Fiscal a mustra cu na 2017 tin un suma di 70 mil Florin deposita riba P.F. su cuenta di banco. Fiscal kier sa for di unda e placa aki a bin. Segun P.F., for di su mayornan el a haya placa aki.

Segun P.F., nan a lanta placa for di diferente banco y duna P.F. cash. Fiscal a puntra pakico no a haci transferencia bancario. Segun P.F. cu esey ta placa pa paga e machinenan. E ta un negoshi di famia. El a splica cu e negoshi ta riba su nomber cu ta mas jong pero en realidad ta di famia. Hues a remarca cu si e ta negoshi di famia, si famia tin di bisa. Segun P.F. nan no ta bisa nada y e ta tuma decision cu semper ta corecto.

Durante interogacion a sali na cla cu a bende tres negoshi caba y tin dos negoshi ainda.

INVESTIGACION FINANCIERO:

Hues a bisa cu for di investigacionnan cu Fiscal a haci ta mustra cu no tin placanan ta drenta y sali manera normal sa mira di negoshinan cu ta bay bon. Na opinion di Hues, esaki ta mustra cu e negoshi no ta bay bon. Hues a remarca cu tin cosnan hopi straño. Remarcabel ta cu ta deposita placa cash y mesun dia e placa ta worde transferi pa otro cuenta. Huez a señala cu pa luna ta 9 transaccion so ta sosode.

Na opinon di Hues, esey ta hopi abou pa un negoshi. Tambe investigacion riba circulacion di placanan, a sali na cla cu Chinesnan no ta gusta warda placa den banco sino na cas. Tambe cu esnan cu tin negoshi, lo haci transaccion di placa pa no paga cash.

Hues a bisa cu e ta satisfecho cu e informacionnan cu el a haya pa asina e por tuma un decision di e caso caminda Fiscal a exigi 25 aña di prison pa tur dos sospechoso.

 

- Advertisement -

DUNA COMENTARIO

Please enter your comment!
Please enter your name here