Home General Abogado Helen Lejuez kier splicacion tocante detencion den caso relaciona cu...

Abogado Helen Lejuez kier splicacion tocante detencion den caso relaciona cu baranan di oro confisca

299
0
SHARE
- Advertisement -

ORANJESTAD (AAN): Despues cu DIARIO a publica detayenan di e caso di baranan di oro cu a wordo confisca, a drenta mas informacion incluyendo un documento cu lo ta demostra cu tur cos a bay na un manera legal, pa loke ta trata entrada na Aruba cu e 46 baranan di oro.

Apesar cu e compania PAORO lo a cumpli cu tur tramite legal, autoridadnan a detene e empleado di e compania cu a drenta cu e oro cu e intencion di sigui transporta esakinan via Hulanda pa e destinacion final cu ta Bruselas of Dubai y segun e abogado encarga esta Mr. Helen Lejuez, esaki ta un abuso, mirando cu e empleado tin mas di 2 luna y mey cera, sin cu el a comete un acto criminal of ilegal.

For di nada a bin cu un acusacion di contrabando, siendo cu e documento aki ta mustra cu e proceso a cana legalmente, unda cu e maleta cu e baranan di oro a wordo hiba pa oficina di hefe di Douane.

PAORO semper a opera na e forma corecto y legal, desde cu el a cuminza na 2012 cu transporte di oro.

Mr. Lejuez a trece dilanti cu a yega ora pa hefe di Douane Sra. Xiomara Schwengle Maduro bin dilanti y reacciona riba locual ta tumando lugar.

A caso contrabando ta tumando lugar mas cu 6 aña?

Douane sa algo di esaki?

E documento presenta no ta bon?

Tin asina tanto pregunta segun Mr. Lejuez y pesey ta bon pa e hefe di Douane bin splica kico exactamente ta e motibo dicon un empleado inocente di PAORO ta deteni asina tanto tempo sin ningun tipo di prueba.

 

- Advertisement -

DUNA COMENTARIO

Please enter your comment!
Please enter your name here