Home Economia Ainda tin oportunidad pa inscribi pa Curso Empresario Prepara I

Ainda tin oportunidad pa inscribi pa Curso Empresario Prepara I

5
0
SHARE
- Advertisement -

ORANJESTAD (AAN): – Riba 10 april 2018 Iniciativa pa Desaroyo di Empresa Arubano (Idea) a cuminsa cu su curso “Empresario Prepara I” cual ta organiza conhuntamente cu Enseñansa Pa Empleo (EPE). Meta di e curso aki ta pa yuda nos clientenan administra nan negoshi den un forma eficiente y engrandece e nivel di informacion y strategia con pa haci di nan negoshi uno exitoso.

Pa logra esaki nos a parti e curso den 2 fase:

(A) Prome fase ta ciencia empresarial; Marketing, Business Plan, Business Law, Purchacing Logistics, Tourism Marketing, Labour Law, Leadership & Management y Quickbooks. Na final di cada module lo mester haci un examen chikito di e teoria;

(B) Segundo fase cursistanan ta haci uzo di e teoria den practica. Lo siña traha un business plan y lo duna diferente ehercicio relaciona cu  maneha di un negoshi.

Empresario Prepara ta cuminsa dia 10 di april 2018 y ta consisti di 37 les (19 siman largo, dos biaha pa siman (diamars y diaranson), cu un vakantie cortico di 3 siman den juli/augustus). E curso lo termina fin di augustus 2018. Horario ta di 7.00’or pm pa 9.15’or  pm. E lesnan lo tin un schedule cu lo mester tene cuenta cune. Localidad di curso ta ‘Enseñansa Pa Empleo’ situa na Engelandstraat 33, Eagle.

Curso Empresario Prepara ta costa Afl. 550,-. Mester completa tur e fasenan pa por logra un diploma na final.

Criteria pa atende curso Empresario Prepara:

(*) Ta preferibel pa tin nivel di MAVO of equivalente. Diploma no ta necesario.

(*) Mester tin conocemento di computer

(*) Conocemento basico di papiamento, hulandes y ingles ta necesario.

Inscripcion pa e curso ta habri ainda te cu dialuna 16 april 2018. Pa informacion y pa inscribi email: info@idea-aruba.com. Tambe por pasa personalmente na Departamento di Asuntonan Economico, Comercio y Industria na Sun Plaza di 2 Piso, division Idea.

- Advertisement -

DUNA COMENTARIO

Please enter your comment!
Please enter your name here