Home Deporte Alan Howell kier elimina tur invoerrecht pa equipo deportivo

Alan Howell kier elimina tur invoerrecht pa equipo deportivo

71
0
SHARE
- Advertisement -

ORANJESTAD (AAN); Teamnan di Deporte na Aruba por birabo cla y raspa.  Prijs di tur equipo, sea bala, helm, zapato, glove, bate, net di goal, etc.  Tur cos ta caro!  Ademas cu e prijs di container cu yega awor den Waf di Barcadera ta sky-high, loke bo tin di paga na impuesto di importacion tambe ta yuda hisa prijs di tur cos.

Riba esaki, Parlamentario Alan Howell di Partido POR riba Diamars atardi a trece un sorpresa den forma di un mocion.

El a entrega un mocion na bienestar di deporte, unda cu ta facilita e compra di ekiponan deportivo promoviendo deporte riba nos isla. E mocion ta bisa, cu considerando:

(*) Cu ta importante pa promove deporte na nos isla.  (*) Cu deporte ta un di e formanan mas efectivo pa nos hobennan bay riba e bon caminda.  (*) Cu federacionnan deportivo na nos isla no tin metanan lucrativo.  (*) Cu tin deportenan cu ta implica gastonan grandi pa mayornan.  (*) Cu e porcentahe di invoerrechten pa ekipo y instrumentonan deportivo ta pisa hopi pa mayornan y/of instancianan deportivo.

Ta dicidi: (*) Di urgi gobierno pa introduci un cambio den e landsverordening di invoerrechten pa por importa e ekipo y/of instumentonan deportivo liber di impuesto. E cambio aki mester ta valido solamente pa donacionnan sin finnan di lucro na federacionnan deportivo y pa ekiponan/instrumentonan deportivo necesario pa un persona of grupo cu ta parti di un federacion/fundacion deportivo activo. E no ta conta absolutamente pa metanan comercial y/of pa haci negoshi.

Cu e cambio aki  ta stimula practica di deporte, ya cu ta haci cu mas mayornan y famianan en general por yega na ekiponan deportivo na un manera mas facil. E no ta un ley nobo, e ta un ley cu ta valido na Curaçao y deportistanan eynan ta haci bon uzo di dje.

- Advertisement -

DUNA COMENTARIO

Please enter your comment!
Please enter your name here