Home arte y espectaculo Alicia Keys tey bek pa di 18 edicion di Soul Beach Music...

Alicia Keys tey bek pa di 18 edicion di Soul Beach Music Festival

16
0
SHARE
- Advertisement -

ORANJESTAD   (AAN): E aña aki di 23 pa 28 di Mei ta bay ta di 18 aña cu Soul Beach Music Festival (SBMF) ta bay tuma lugar aki na Aruba y pa e edicion aki un di e artistanan mas grandi cu a yega di bin Aruba na 2006 ta bay ta bek, esta Alicia Keys.

Esaki a wordo anuncia pa Productor Ehecutivo di SBMF Mark Adkins.

El a indica cu e asina yama ‘Block Party’ di aña pasa, cu tabata algo nobo pa SBMF, tabata un exito total y e ta spera cu e aña aki tambe tur e bishitantenan lo keda encanta cu locual SBMF ta ofrece.

Segun Adkins, e promocion pa e festival ta bayendo hopi bon, no solamente atravez di medionan digital, sino atravez di e metodonan tradicional, esta atravez di e stacionnan di radio mas grandi na Merca y Dj-nan hopi conoci.

El a splica tambe cu ya caba den luna di Maart, mas di 1 miyon hende a subi e pagina special di Soul Beach.

Banda di Keys, kende ya caba a gana 15 premio Grammy den su carera, Maxwell tambe ta bay ta na Aruba.

Maxwell, kende pa mas di 2 decada a produci y a canta varios cancion grandi, a logra di gana 3 premio Grammy.

E grupo Guy ta bay duna un presentacion tambe riba Diasabra 26 di Mei, mientras cu Sevyn Streeter ta bay duna un presentacion Diadomingo.

Pa e Comedy Night di Diabierna 25 di Mei, e actor/comediante/productor Marlon Wayans ta bay tey pa pone tur hende hari, hunto cu Rudy Rush.

 

- Advertisement -

DUNA COMENTARIO

Please enter your comment!
Please enter your name here