Home Comercio Aruba Bank ta introduci solucion administrativo y financiero via PCard nobo

Aruba Bank ta introduci solucion administrativo y financiero via PCard nobo

77
0
SHARE
- Advertisement -

Mas Beneficio Comercial

ORANJESTAD (AAN): Aruba Bank ta introduci su producto nobo yama PCard (Procurement Card), cual ta un carchi special pa clientenan comercial minimalisa uzo di petty cash. Tambe e producto nobo aki ta Aruba Bank su alternativa teniendo den consideracion cu no lo haci uzo di business check entrante 1 di November, 2018.

Pa garantisa un experiencia superior, Aruba Bank a sa di crea un producto nobo pa haci pago. E PCard ta un tarheta di pago cu ta worde extendi na nomber di e compania y cu ta duna e comerciante e flexibilidad ora di ehecuta pagonan. Pagonan por worde haci via mashin di swipe (POS terminal) solamente.

Bentahanan di e PCard ta inclui entre otro, miho control administrativo y administracion financiero mas eficiente. Por medio di online banking e cliente tin acceso na su cuenta y por monitor y percura pa tin fondo necesario pa eherce pagonan via su PCard. Pa mas informacion y/of pa aplica, por tuma contacto cu un Account Manager di e departamento corporativo di Aruba Bank of por manda un e-mail na customerservices@arubabank.com.

 

- Advertisement -

DUNA COMENTARIO

Please enter your comment!
Please enter your name here