Home Parlamento Aruba lo anfitrion di Weganan di Reino 2020

Aruba lo anfitrion di Weganan di Reino 2020

10
0
SHARE
- Advertisement -

Parlamentario Edgar Vrolijk di MEP:

ORANJESTAD (AAN) – Parlamentario sr. Edgard Vrolijk a hiba palabra den e rueda di prensa semanal, diaranzon ultimo.

El a trata tres punto di agenda. Esun prome tabata nan bishita di trabao na Curacao, ya cu como Parlamentario, el a indica, mester duna cuenta na pueblo riba kico nan ta haci y con nan ta haci pa ta informa.

El a expresa cu tin hende ta pensa cu parlamentarionan ta biaha na custia di pueblo, pero hopi biaha nan ta hacie bao nan propio gastonan, pasobra nan sa cu nan ta haci algo bon pa comunidad.

El a biaha hunto cu su colega Endy Croes, y un di e temanan cu a trata na Curacao ta e Weganan di Reino y weganan inter-insular.

Ademas nan a papia tocante IPKO, y e BIG Registratie y con nan ta haciendo esaki na Curacao. Otro siman nan lo toca e tema aki despues cu nan entrega un rapport na Minister Dangui Oduber, pasobra esaki ta algo cu tambe nan ta haci.

El a menciona cu e tema di e weganan di Reino y weganan Interinsular ta hopi interesante y nan a toca esaki durante IPKO na Hulanda.

Tambe nan a papia cu e Presidente di Staten di Curacao cu a pone su mes na disposicion, locual nan ta aprecia hopi.

El a señala cu for di desintegracion di Antiyas Hulandes, na 2010, cu a bin cambionan estatal hopi relacion a cambia, y nan a haya conflictonan financiero.

Y nan cu a sali for di e mundo aki ta lamenta cu tabata cu e union den Reino a kibra asina tanto, cu nan mester a busca un manera pa dreche. E relacion aki ta na bienestar di nos tur, segun sr. Vrolijk, y e confianza di nos pueblonan ruman pa nan ta uni. Esaki pa medio di e weganan di Reino.

Ta keda na e ministernan di Hulanda, Curacao y Sint Maarten y na Aruba minister Dangui Oduber, ken lo haya un rapport, pa uni nan mes y traha hunto. Esakinan lo ta na 2020, y ta un oportunidad pa trece union den e pueblonan bek y stimula nos hobennan pa deporte.

Aruba, como anfitrion, lo mester percura pa e infrastructura ta adecua, pa e calidad di nos deportistanan hisa, y ta exigi esaki di e federacionnan concerni. Esaki no solamente pa weganan di Reino pero pa deporte su mes.

 

 

 

- Advertisement -

DUNA COMENTARIO

Please enter your comment!
Please enter your name here