Home Gobierno Aruba mester a haya cinco pero a gasta placa di MFA San...

Aruba mester a haya cinco pero a gasta placa di MFA San Nicolas

199
0
SHARE
- Advertisement -

ORANJESTAD(AAN): Allan Howell parlamentario di partido POR, ta exigi for di e gobierno aki, pa tin un MFA pa San Nicolas awor aki. Riba esaki, prome minister Evelyn Wever-Croes, a splica cu el a haya preguntanan for di parlamentarionan, den cuadro di tratamento di presupuesto, cual ta procesonan normal y a haya e preguntanan fin di siman. E mandatario a splica cu pronto e contestanan lo bay.

Den pregunta di Howell, el a puntra ki dia e por mira e MFA pa San Nicolas. E mandatario a duna un splicacion general. El a mustra cu el a bay busca informacion riba e situacion di MFA.

E ta informa cu gobierno di Aruba a fia placa, of a cera contractonan pa fia placa, pa traha cinco MFA. Noord, Paradera, Santa Cruz, Savaneta y San Nicolas. Pero na caminda a gasta tur e placa cu tabata destina pa San Nicolas, na otro cosnan. Na e momentonan aki tin tres MFA cla. Noord, Paradera, Savaneta. Santa Cruz no ta cla. Tin un tardansa, pero lo keda cla pa e aña aki. Nan no a ni cuminsa cu esun di San Nicolas y no a resta placa.

Ta un situacion hopi fastioso. E ta un situacion hopi doloroso. So ba dje, cu semper e pueblo di San Nicolas a priminti nan y no a cumpli. Awo net di San Nicolas, a bay gasta placa pa otro cos. E realidad ta, cu e gobierno di Mike Eman a gasta e placa cu tabata tin pa MFA San Nicolas pa otro cos.

Loke ta haci’e mas pio, ta esaki. Deal cu nan a cera ta pone cu pueblo di Aruba mester bay paga huur pa cinco MFA, pa 20 aña y bo ta haya 4 of 3 y mey. Eseynan ta e tipo di sorpresasnan y e mandatario ta admiti, cu si no ta pa e pregunta di sr. Howell, no a haya informacion diabierna anochi y no tabata sa di dje.

E a haya sa si. Situacion di MFA San Nicolas, bisando esey ta, cu awo no tin placa p’e. Y a gasta placa riba otro cos. No por kita bloki back, verzilver’e den placa y traha esun di San Nicolas.

Awor aki mesora a pidi nan pa haci un investigacion, pa mira ta kico por haci pa por cumpli, pasobra no ta bay paga huur pa cinco MFA y tin cuater so. Inmediatamente a pidi nan pa bay mira con por cumpli cu esey, completa toch e MFA. Mira e ora den presupuesto con ta bay pone placa disponibel, cual por imagina, no ta den presupuesto di e aña aki.

Pero toch pone placa disponibel pa talbes no bin cu full un edificio nobo, pero si pa mehora e edificio existente, facilidadnan existente, hacie hopi mas accesibel, hopi mas atractivo y tambe pa duna un miho servicio.

Na e momentonan aki, mirando cu ta algo den desaroyo, e prome minister no por a duna un contesta ki dia San Nicolas lo haya su MFA.

 

- Advertisement -

DUNA COMENTARIO

Please enter your comment!
Please enter your name here