Home Deporte Aruba Soccer Academy ta anuncia su tercer edishon di Summer Camp bou...

Aruba Soccer Academy ta anuncia su tercer edishon di Summer Camp bou guia di Andre Ooijer

32
0
SHARE
- Advertisement -

ORANJESTAD (AAN): Despues di e exito rotundo di e Benu-Sparta-ASA Soccer Camp, awor Aruba Soccer Academy ta anuncia nan siguiente proyecto, esta e tercer edishon di nan Summer Camp, cu Andre Ooijer como invitado especial.

Andre Ooijer ta un hungado conosi na Hulanda, cu a train bow guia di e Ajax su jeugdopleiding. Den su prome añanan como hungador professional, Andre a hunga defensa pa FC Volendam y Roda JC. Despues Andre a hunga den Eredivisie cu PSV. Andre a disfruta di hunga internashonalmente tambe na Inglaterra pa Blackburn Rovers, pa despues firma back cu Ajax.

Andre a yega di representa Hulanda varios biaha tambe den e FIFA World Cup, alavez tambe den UEFA Cup, pues un hungador estelar cu experiencia na nivel internashonal. Ta bon pa remarca cu Ooijer twt riba e team cu a yuda hiba Hulanda na e finale na 2010 di FIFA World Cup na Afrika.

Aruba Soccer Academy ta contento di por ofrece nos hubentud fanatico di futbol e oportunidad di haya training di un ex-hungado professional, unda cu sigur esaki lo duna un aporte nan nan desaroyo como futbolista. Tur esaki ta worde haci posibel cu sosten di main sponsor di e camp, esta Benu Pharmacy cu ta sigui aporta na Aruba su hubentud un biaha mas. Tambe ASA ta gradesido na su otro patrocinador nan manera Diario, Arubianos Local Brand y tambe doc Opleidingen.

E camp lo tuma lugar di 9 pa 12 di Juli, trainingnan lo ta di 9 am pa 12 di merdia. Tur participante lo risibi un snack saludable durante training y suficiente likido pa refresca nan mes. Prijs pa participashon ta Afl 200, cual ta inclui tambe un uniform di marca Robey di calidad halto. Cupo ta limita, ASA ta invita tur mucha pa inscribi lo antes posibel pa no keda afo! E prome 50 muchanan cu ta registra ademas ta haya un paar di flip flops regalo di Arubiano Local Brand.

Pa mas informashon por tuma contacto cu ASA na 592-5235 of por manda un email na arubasocceracademy@gmail.com

- Advertisement -

DUNA COMENTARIO

Please enter your comment!
Please enter your name here