Home Parlamento Aruba ta bendiciona cu hopi boluntario cu ta yuda keto riba tereno...

Aruba ta bendiciona cu hopi boluntario cu ta yuda keto riba tereno social

25
0
SHARE
- Advertisement -

Parlamentario drs. Marisol Lopez Tromp:

ORANJESTAD (AAN) – Tocante e tema social y e Ley di Crisis Social Integral, algun pregunta a surgi den conferencia di prensa pa Parlamentario y lider di POR drs. Marisol Lopez-Tromp.

Entre otro a wordo indica cu ta necesario pa na Aruba bin cu un organo cu ta tuma y monitorea tur informacion cu ta yega, pa e wordo procesa y no cu ta keda den diferente instancia cu ta los for di otro.

Parlamentario Lopez-Tromp a señala cu esaki ta un idea cu e por corda cu for di tempo cu el a core stage na Departamento di Asunto Social, mas of menos 20 aña pasa, e tabata existi caba.

Iniciativanan tambe a bay den e direccion aki pa hacie realidad, pero e ta depende di gobierno cu lo por concreta algo asina, pero e ta depende tambe di e fundacionnan concerni, kico ta cumbini nan y ademas e gruponan di meta cu nan ta traha cune.

Drs. Lopez-Tromp a señala cu tin biaha gobierno ta enfoca riba estructura y aspecto financiero, pero hopi bez mester puntra ta cuanto di e placa di presupuesto ta yega, realmente, na e gruponan meta cu ta wordo bisa cu nan ta traha pe.

E dama a indica cu hopi biaha placa ta bay den salario y subsidio ta bay den paga material, etc., locual ta necesario, pero cuanto realmente ta yega na e grupo cu tin e necesidad pa cual e fundacion ta wordo yuda?

Esaki, el a agrega, ta varia y ta depende di e directivanan, di e prioridadnan, statutonan, etc. E parlamentario a expresa cu e punto aki e lo touch cune ora e ta sinta den e Comision Fiho y pronto cu, entre otro, DAS, pa wak cual nan pensamento ta riba e tema aki. Y tambe papia cu Minister Glenbert Croes, titular encarga, pa wak si esaki ta algo cu nan ta trahando riba dje.

Parlamentario drs. Lopez-Tromp a trece dilanti tambe cu Aruba ta bendiciona di tin hopi hende cu ta haci trabao full boluntario. Por a mira esaki Dia 18 di Maart. Hopi hende ta traha sin haci ni un sonido ni propaganda, no ta PRnan ningun caminda pero ta traha keto. Di e banda aki hopi trabao ta wordo haci di parti di fundacionnan y organizacionnan cu ta sostene na unda gobierno no ta logra yega.

El a agrega di parti di Parlamento mester controla locual e  DAS, fundacionnan y tur otro instancia social a pidi y a pone riba e plan di trabao cu nan tin y cu a traha duro y serio riba dje, pa yuda nos mucha y nos famianan.

Tarea di Parlamento ta pa zorg pa berdad e ta wordo implementa na un forma cu e hendenan ta sinti cu nan calidad di bida a wordo toca na un forma positivo y drecha door di dje. Esey ta e meta, no solamente control di placa, pero pa e placa yega na su destinacion di un forma bon.

- Advertisement -

DUNA COMENTARIO

Please enter your comment!
Please enter your name here