Home arte y espectaculo Aruba ta cla pa Beenieman, Fatjoe, Karol G, Alborosie dialuna awor den...

Aruba ta cla pa Beenieman, Fatjoe, Karol G, Alborosie dialuna awor den Flip Flop Festival

21
0
SHARE
- Advertisement -

ORANJESTAD: Organisadonan di Flip Flop Festival y e patrocinadonan a confirma cu e festival ta canando den un bon direccion y ta mustra di lo bay ta un exito grandi. Esaki  lo sosode dialuna 30 di April for di 6’or di atardi riba e beach di Bushiri.

Por a compronde cu tur e artistanan internacional, esta Fat Joe, Beenie Man, Karol G, Alborosie, Freddy Moreira, Da Ridlaz, Natty Rico y Jeon su guest star internacional ta 100% confirma. E artistanan lo cuminsa yega e.o. riba diasabra, diadomingo y dialuna mes. Por mira cu e siman aki e benta di e ticket a crece substancialmente cu por premira riba un beach bon bishita cu un publico diverso. Tanto den gusto di musica como edad. Hobennan di 16 y 17 aña tambe por acudi pero acompaña pa un adulto.

Ya caba e escenario y e tereno ta bastante avansa cual Elite Productions & Entetainment ta responsabel pe. Durante e anochi di e festival lo tin un variacion di cuminda tambe manera El Mexicano, Candela y Cacheton Grill cu un delicioso BBQ. Naturalmente cerbes Chill y productonan di Tropical/Brouwerij Balashi lo ta bon representa.

Durante e conferencia e partnernan manera Digicel, JDB Agency, Fun Miles y Renaissance Aruba a comenta cu nan ta sumamente satisfecho di con tur cos ta canando y nan ta entusiasma pa e eventonan. Ta trata aki di e fiesta di apertura cu Freddy Moreira y Da Ridlaz den Emotions Night Club diasabra anochi. Ta sigui cu e Pool Party diadomingo merdia na Renaissance Hotel y ta culmina cu e concierto.

Carchinan ta na benta na balor di 75 florin den e seccion general cual na porta lo bira mas caro. Tambe por cumpra VIP weekend pass y mesa. Di e seccion di mesa tin solamente 5 mesa mas disponibel. Pa loke ta e Weekend VIP pass esaki ta duna bo acceso durante e concierto pa e area di Standing VIP cu ta ubica net dilanti e stage y acceso na e fiesta di apertura y e pool party na Renaisance.  Pa loke ta e Mesanan di VIP por yama: 735-1507.

E carchinan ta obtenibel na Citgo Palm Beach, Citgo Boulevard, Citgo Santa Cruz y Citgo Essoville. Flip Flop Festival is Powered by Chill Beer, Digicel, JDB Agency and Elite Productions & Entertainment.

 

- Advertisement -

DUNA COMENTARIO

Please enter your comment!
Please enter your name here