Home General ASTEC y STA ta hopi cerca di otro

ASTEC y STA ta hopi cerca di otro

9
0
SHARE
- Advertisement -

Segun Diego de Cuba

ORANJESTAD(AAN): ASTEC ta riba un status awor aki cu gerencia mester esnan cu ta negoshando na mesa, a keda di bay papia cu e accionistanan di e compania, pa nan haya e luz berde pa STA por ehecuta locual cu tin awor aki riba mesa.

Segun Diego de Cuba, presidente di e sindicato, nan no ta leu for di otro. Solamente por yega na un acuerdo riba e aumento general cu tin y tambe riba e trahamento di overtime, con esey lo tin cu bay wordo regla den futuro. Ta hopi cerca di otro segun de Cuba.

Por lo general no mester bin asina tanto cambio mas den e contracto colectivo cu tin awor aki riba mesa. Ta spera cu a corto plazo, a compronde cu mediador a bay den exterior. No sa si ta pa un tempo cortico of un tempo largo, of si ta cu vakantie. A solicita un reunion si via oficina di mediador. Ta sperando ainda riba contesta di gerencia di ASTEC pa por continua y ta spera cu por caba cu esaki pa fin di April 2018.

E trahadonan a conoce un adelanto substancial caba. Loke ta pidiendo ta un tiki mas cu esey. E no ta un diferencia grandi di loke tin awor aki riba mesa y ta mirando entradanan cu ASTEC tin.

Parti grandi cu nan tin den e negoshi aki, por cumpli cun’e facilmente. Berdad nan tin debenan cu mester cumpli cu nan tambe, pero mester corda cu ora ta bay den proyectonan grandi asina, ora cu ta traha riba un presupuesto, bo mester hiba tambe e parti di e contractonan colectivo cu ta bay tin durante e añanan ey hunto den e negociacionnan ey y den bo presupuestonan cu bo ta haci.

No ta asina cu bo por traha un presupuesto y a lubida e sindicato, a lubida e contracto colectivo, a lubida e beneficio di e empleadonan. No por bay asina. Ora cu bo ta traha presupuesto y ora bo ta bay traha contractonan pa temporada of pa un duracion asina largo 20, 24, 25 aña, bo mester tene cuenta cu e contractonan colectivo cu tin di bay wordo renoba cada tres aña of cada cuater aña. Si no a haci e huiswerk manera debe ser, anto e ora bo ta completamente fout bezig.

Awor aki no por bin tira e cos bek den scochi di e trahadonan of di e sindicato. Tin di sinta na mesa y negosha na drechi y drecha loke bo a daña tambe. Eynan ta caminda cu de Cuba ta supone cu gerencia di ASTEC lo a haci un fout, di no a haci un doorberekening den nan presupuestonan di e situacion aki y eynan ta caminda cu e rabo di porco a krul. Pero cu ta leu for di otro, no.

Por ta dos reunion mas e ora ta yega na otro. E empleadonan tin di haci un votacion. Nan tin di vota si nan ta acepta e pakete ey si of no y si nan vota na fabor di e pakete, logicamente sindicato lo firma e contracto colectivo y si nan vota contra di dje, e situacion ta keda Status Quo.

 

- Advertisement -

DUNA COMENTARIO

Please enter your comment!
Please enter your name here