Home Turismo ATA ta ratifica su apoyo na e “beach policy”

ATA ta ratifica su apoyo na e “beach policy”

83
0
SHARE
- Advertisement -

Segun CEO Ronela Tjin Asjoe-Croes

ORANJESTAD   (AAN):   Playanan di Aruba lo mester keda organisa den un miho forma. Cu esaki Aruba Tourism Authority (ATA) a ratifica su apoyo na e beach policy y cu nan ta pro di esaki tambe, unda tin diferente accion cu a wordo tuma cu ta refleha esaki. Sra. Ronela Tjin Asjoe ta amplia.

ATA lo tabata envolvi activamente den e formulacion di e beach policy aunke despues nan a tuma un papel mas secundario, unda nan a bay un tiki den background mirando cu e trabou mester a bay mas den man di esun encarga di ehecuta y controla esaki.

Pero diferente otro accionnan a tuma luga di parti di ATA recientemente, entre otro e participacion den e proyecto di carrying capacity unda cu ATA ta conduci diferente investigacion den area di nos playanan cu ta hopi bishita manera Palm beach, Arashi, Conchi, Baby Beach y Eagle Beach unda lo a puntra con e bishitante ta experenciando e areanan aki.

ATA den su papel pa contribui na un miho organisacion y mehora e experiencia unda cu por aunke semper esaki tabata y ATA ta gradici cu esaki, pero sigur semper mester wak unda por mehora, y nan ta contento cu un bon ehecucion di e beach policy lo ta tumando luga aunke cu tur su dolor cu ATA ta compronde tambe.

CEO di ATA, Sra. Ronella Tjin Asjoe- Croes a bisa tambe cu lo keda haci e esfuerso pa duna contribucion den e proyecto pa mehora organisacion y experiencia pa e bishitantenan sin lubida e localnan tambe. Den caso di situacion di watersport cu a bay na otro beach cu no ta hopi bishita e dinamica lo keda cu algun temporada cu ta bin cu avion y combina cu esunnan cu ta bin cu barco esaki cu sigur lo trece su friccion.

P’esey ATA hunto cu gobierno ta participa den diferente proyectonan por ehempel pa establece kiosconan den diferente areanan, manera Eagle Beach y Arashi, unda cu ta trata di duna facilidad unda cu e operado cu ta duna servicio na esunnan cu ta di barco, na zonanan cu no ta di e zona hotelero.

Aunke en berdad esaki no a resulta di e manera cu tabata e vision, unda cu e explotacion di e kiosconan aki sigur tin aspectonan pa mehora pa asina sirbi meta cu e tipo di proyectonan aki.

Lo keda midi diferente oportunidad, manera inclusion di servicio di baño, cuminda, bebida y combina esaki cu diferente actividadnan recreativo y cosnan cu turistanan tin mester pero den un manera bon organisa y lo crea e balance entre e playanan cu ta hopi frecuenta cu e otro playanan cu tin hopi di ofrece tambe, segun CEO di ATA.

 

- Advertisement -

DUNA COMENTARIO

Please enter your comment!
Please enter your name here