Home Comercio Aumento di impuesto cu 2.5% lo pone un peso grandi pa comercio

Aumento di impuesto cu 2.5% lo pone un peso grandi pa comercio

62
0
SHARE
- Advertisement -

Presidente di KvK:

ORANJESTAD (AAN) — Gobierno lo introduci medidanan nobo, un impuesto di 2.5% cu ta un peso hopi grandi pa comercio, pa cual Sr. Ernst Mohamed, Presidente di Camara di Comercio y Industria, ta duna su opinion.

El a señala cu cobramento di belasting si e bay manera cu e mester bay, pasobra cu tin esnan cu si ta cumpli pero ta wordo castiga, y esnan cu no ta cumpli ta scapa atrobe, lo por scapa pueblo di medida.

Belastingsdienst lo mester forma un taskforce y subi caya, cu tin e autoridad pa cobra belasting, sanciona esnan cu no ta cumpliendo cu e pago. Pagamento di belasting ta concerni nos tur.

Comerciantenan sigur lo sinti e efecto di 2.5% unda kizas e comunidad ta cumpra menos y e negociantenan ta bay perde cliente, ya cu esaki a yega di sucede caba cu e aumento di 3.5% anterior.

Cu e medida temporal aki, pa por yega na locual Caft ta exigi, unda cu Camara di Comercio tambe tin su opinion riba dje, ta hunto ta yega na esaki. Tambe lo mester baha gasto y e gastonan di personal cu gobierno tin. Di e forma aki por a yega di logra e presupuesto manera mester ta, naturalmente cu esaki ta bay tin efecto riba comercio unda e doño di negoshi tambe mester busca strategia cu si e ta uza esaki pa hisa prijs atrobe, of ta wante y toch keda cu benta. Aki ta caminda cu e decision comercial ta hunga un rol tambe.

Negoshi pirata ta bay wordo beneficia y lanta mas cu e situacion aki si no ta tuma control riba dje unda nan ta keda produci y haci nan negoshi scondi, y esaki tin su efecto y ta perhudica e comercio formal. Den sentido aki, cobramento di belasting mester wordo aplica manera mester ta y duna sancion na esun cu no ta paga.

Si gobierno kier logra manera nan ta bisa, nan mester cuminza cobra belasting manera cu mester ta. Ta keda na nan pa cuminza cu e taskforce pa bay “out there”, pasobra nan sa ken ta paga of no. No ta fair cu esnan cu ta paga belasting ta wordo perhudica, y esnan cu no ta paga, ta sali liber. Gobierno mester cuminza cobra belasting debidamente.

Ainda KvK no tin un posicion fiho pa cu e decision aki. Algun ta pro y algun ta contra. Pa por bisa algo concreto, como board, nan ta para full su tras. Awo nan ta bezig ta wak kico en realidad e 2.5% ta. Si e 2.5% ta yuda baha e peso di e debe di Aruba, pero BBO no ta baha e gasto e ora no por bay. E ta un balansa cu mester wak.

A base di un reunionnan cu ta bay tuma luga den e proximo simannan, despues KvK lo bin cu’n un posicion definitivo riba e topico aki, segun Sr. Ernst Mohamed, Presidente di KvK.

 

- Advertisement -

DUNA COMENTARIO

Please enter your comment!
Please enter your name here