Home Turismo AVIANCA su vision y meta pa e proximo añanan ta crecemento

AVIANCA su vision y meta pa e proximo añanan ta crecemento

92
0
SHARE
- Advertisement -

Director di benta pa Caribe, Sudamerica y Panama:

ORANJESTAD (AAN) – Sra. Rosa Alicia Arango, Director di Benta di AVIANCA pa Caribe, Sudamerica y Panama, a hiba palabra durante e actividad den cual e top agentenan di benta cu ta promove Aruba na America Latina, a wordo premia.

Sra. Arango a gradici tur esnan presente den e actividad, expresando cu e encuentro aki ta reuni e agencianan di mas importante di nos region, cualnan conhuntamente ta alcanza e metanan cu a wordo traza na aña 2017.

Esey ta e motibo cu a reuni tur e socionan comercial pa gradici nan e constante compromiso y confianza, cu nan a deposita den AVIANCA.

E dama a expresa cu AVIANCA su vision pa e proximo añanan ta basa, basicamente den e crecemento. El a menciona tres obhetivo principal: 1. Crecemento den e rutanan. 2. Crecemento den e cantidad di pasaheronan y  mas ingreso. 3. Crecemento den e satisfaccion di e clientenan.

Sra. Arango a subraya cu cada un di e obhetivonan aki lo no ta posible pa logra nan si no canando man teni cu e agentenan di viahe cu AVIANCA su socionan comercial, pasobra den e compania nan ta kere cu su aliadonan ta su alma.

El a splica tambe cu na Augustus lo introduci un ruta nobo cu El Salvador-Boston, un destino nobo na Mendoza na Argentina, y den nan plannan di e aña aki tin un bista mas leu. Esaki ta implementa e oferta di AVIANCA na otro regionnan.

E mercado Europeo, danki cu a elimina e rekisito di Visa, pa algun pais ta un atractivo. Pesey pa e aña aki e compania ta preparando un destino nobo na Europa cu ta Munich, na Alemania. Esaki for di su centro di conexionnan na Bogota, y e ta un destino hopi interesante.

Ademas AVIANCA ta bezig ta mehorando su flota y servicio abordo. E aña aki mes nan ta spera di ingresa un avion nobo, un Boeing 787 na nan rutanan di largo alcance. Tambe nan ta poniendo den marcha un proyecto nobo cu ta referi na un sistema di reconciliacion di ekipahe cu ta permiti procesa den tempo real cada pieza di ekipahe di su pasaheronan for di momento cu esaki wordo registra te ora e yega su destino.

Sra. Arango ta convenci cu contando cu e ayudo di e agentenan di viahe aki, tur e proyectonan aki lo bira sumamente exitoso.

Finalmente, e dama a reafirma cu e rol cu Avianca su aliadonan ta cumpli den nan estrategia di negoshi, awendia Avianca ta mas clave cu nunca. Un mercado cu semper ta cambiando y nan esfuerzo como organizacion ta mantene su confianza y opera semper bao metanan comun y semper alinea den e mesun direccion. El a conclui gradiciendo Oficina di Turismo di Aruba, Aeropuerto pa laga nan tene na Aruba e evento importante aki, y tambe na tur e agentenan di viahe presente.

 

 

 

- Advertisement -

DUNA COMENTARIO

Please enter your comment!
Please enter your name here