Home Politica AVP mustrando cu Gobierno nobo a yega haya tur cos cla pa...

AVP mustrando cu Gobierno nobo a yega haya tur cos cla pa renoba JFK School

22
0
SHARE
- Advertisement -

ORANJESTAD(AAN): Desde gobernacion di AVP e proyecto pa cuminsa renovacion di Ex JFK School a cuminsa. Ex minister Benny Sevinger a cana e caminda unda hasta a firma tur cos. E propiedad a worde cumpra pa AIB y awor lo renoba e lugar completo.

Ta un proyecto cu Bohama lo encarga su mes cune. E proyecto completo mester keda cla den 18 luna di trabao y pa fin di 2019 mester keda cla. Dialuna mainta pa 10:30 lo tey minister di infrastructura y Minister di enseñanza pa asina ta parti di e inicio cu desvelo di e proyecto bunita aki.

AIB a sera acuerdo desde gobernacion anterior unda lo acomoda tur e departamentonan di enseñanza na e edificio di Ex JFK ora cu esaki keda cla. Gobierno lo paga huur y lo saca tur e departamentonan di enseñanza for di tur otro localidadnan rond pa fit tur cos bou di un adres of bou di un dak. E trabaonan mester a cuminsa masha dia pero mirando cambio di gobernacion, kier a duna espacio pa nan pasa den e contrato.

Segun informacion, e minister actual di infrastructura kier a bin hunga wega cu e contrato pa asina pinta e minister anterior preto. Den e caso aki esnan cu ta responsabel pa e proyecto a mustra e mandatario nobo cu nan no ta parti di e weganan politico cu e kier bay hunca.

Pesey mes a tene e contrato manera e tabata. Awor a yega e momento pa oficialmente e dos mandatarionan di e gobierno nobo haci e parti official di e proyecto cu a keda full cla cu pintura y tur cos door di e gobernacion anterior y cu a worde hinca den otro tambe cu ex minister Benny Sevinger.

- Advertisement -

DUNA COMENTARIO

Please enter your comment!
Please enter your name here