Home Hudicial Awe Hues ta interoga tata di sospechoso Chines envolvi den asalto cu...

Awe Hues ta interoga tata di sospechoso Chines envolvi den asalto cu a tira mata dama Chines

138
0
SHARE
- Advertisement -

Hopi informacion interesante lo por sali na cla

ORANJESTAD (AAN): Dia 16 di Maart 2018 tabatin un sentencia intermedio di Hues den e caso di asalto arma fatal na Wayaca. Hues a habri investigacion pasobra e ta haya cu e falta di informacion importante pa por tuma un decision.

E dia ey Hues a mustra cu e Boneriano J.P.E. a bisa cu P.F. su situacion financiero tabata frega y pesey a haci e asalto arma. Na opinion di Hues, abogado mr. Mohamed a trece copia di cuentanan di banco y segun Hues ta parce cu P.F. tin placa na banco.

LO BAY SCUCHA TATA DI SOSPECHOSO CHINES:

Hues a sigui bisa cu e asalto tabata na September 2016 y no tin copia di cuenta di banco di P.F. di September 2016. Hues a bisa cu e tin pregunta si enberdad P.F. ta complice.

El a splica cu Hues no por tin duda. E kier claridad.

Pesey Hues kier scucha tata di P.F. cu, na opinion di Hues, ta un testigo importante den caso aki. Esaki pasobra e negoshi ta di famia.

Hues a bisa cu e ta manda e caso back Hues Comisario pa duna instruccion na banco pa duna cuentanan di October 2015 te cu December 2016.

INFORMACION DI FAMIA DI VICTIMA:

Hues tambe a bisa cu e kier informacion di famia di victima, tocante documento di herencia y tambe si e casa ta divorcia di e señora defunto. Hues a splica cu e kier e informacion aki pasobra a worde bisa durante tratamento di e caso cu a divorcia.

DIARIO por a compronde cu awe e tata di P.F. ta worde interoga den Corte y ademas Fiscal lo bay presenta un cantidad di informacion cu a haya a base di investigacion bancario. Ademas Hues lo mester haya documentonan di parti di famia di e dama victima.

Tur esakinan lo por trece informacionnan interesante y DIARIO lo informa lectornan kico tur a sosode den sala di Corte.

- Advertisement -

DUNA COMENTARIO

Please enter your comment!
Please enter your name here