Home Comentario Ban stop cu casonan di Bullying y Termento

Ban stop cu casonan di Bullying y Termento

11
0
SHARE
- Advertisement -

Remitido

Bon dia y bon siman mi rumannan stima. Hopi bendicion y amor pa e siman aki.
Mi amigonan boso sa na unda BULLYING, TERMENTO TA CUMINSA? Den cas di Pueblo, den Parlamento, na unda tur sorto di nomber nan ta duna otro, hasta palabra porco, visvrouw, pedofil, gay, ladron etc. ta ser usa.

Si den cas di Pueblo na unda nan mester traha leynan contra “bullying”, anto aki mes e ta tuma lugar tur dia, ta con anto nan ta sinti pa proteha nos muchanan. Si boso ta yama un hende pa porco, pasobra e ta gordo, anto kico bo por spera na schoolnan?

Termento a causa hopi morto aki na Aruba y den mundo. Cada 15 minuut un mucha ta mata su curpa y mayoria bez ta debi na “bullying” o termento. Ta pesey partido RAIZ ta boga pa norma, respet y balor mester bolbe back den cas di Pueblo y esaki lo keda refleha den tur cas di nos pais. Mester por tin respet pa otro, ora bo scucha reunion bo ta kere cu ta muchanan di kleuterschoolnan ta hunga cu otro.

E siman aki ta cuminsa cu tratamento di presupuesto y di corazon nos di RAIZ ta spera cu e lo bay ariba un nivel y si tin critica ofensivo, esaki mester ta basa ariba un nivel y realidad, no mentiranan o storianan inventa. Nos tin hopi profesionalnan como sirbidonan di pueblo, por fabor cambia e rumbo y laga e sistema bieu pa pasado.

Ta aki na unda di berdad pueblo votado merece nan debido respet. Mi no por keda sin pidi boso pa sigui reza pa paz mundial y pa caba cu tur guerra y lucha di poder den mundo y aki na Aruba tambe, esaki ta e causante principal di tur guerranan cu ta tumando lugar. Stima boso hopi.

 

Boso super humilde sirbido,

Atan Lee sr.

- Advertisement -

DUNA COMENTARIO

Please enter your comment!
Please enter your name here