Home Gobierno Barco y lancha cu trece carga for di Venezuela mester ta registra...

Barco y lancha cu trece carga for di Venezuela mester ta registra y controla aya mes

170
0
SHARE
- Advertisement -

Minister Chris Romero:

ORANJESTAD (AAN) – Den conferencia di prensa di Gobierno, Minister di Transporte y Sector Primario sr. Chris Romero, a hiba palabra.

Su tema tabata aerolineanan y barconan for di Venezuela, cu ta bolbe opera na Aruba.

TERENO DI AVIACION:

E dignatario a relata cu den fin di siman a yega na un acuerdo entre Reino Hulandes y Venezuela, unda a lanta e embargo cu a wordo impone dia 6 di Januari ultimo, riba tanto Aruba como Bonaire y Curacao.

E mandatario a indica cu a yega na un acuerdo exactamente despues di tres luna, y como Minister di Transporte, el a duna informacion di locual ta regarda su persona.

Minister Romero a referi na e dificultad di vuelo cu a surgi entre e tres paisnan menciona, cu a wordo para, pero tambe e operacion di barconan di carga.

Pero for di entrante ayera mes, e vuelonan comercial normal a continua. Itinerario a wordo saca unda cu Venezolanonan cu ta pega na Aruba pa basta tempo por regresa nan pais bek, y tambe esnan cu kier bishita Aruba y yuda den nos industria turistico por haci esaki tambe.

Kiermen, den e area di trafico aereo e actividadnan por continua manera e tabata semper.

TERENO MARITIMO:

Encuanto e operacion maritimo e dignatario a subraya cu tin algun cambio. Esaki pasobra un di e problemanan cu a wordo menciona dia cu su persona hunto cu e minister di Venezuela tabata sinta na mesa, hunto cu Ministernan di Husticia y Finanzanan di Aruba, ta cu nan kier a mira cierto cambionan mutuo, cu mester a sosode y esey a bin tambe.

Minister Romero a bisa cu ora di papia di trafico maritimo e ta referi na barco y lanchanan cu ta trece carga na Aruba y asina por haci e negoshinan concerni.

A bin diferente regla unda Diasabra, su persona a formula un carta cu el a manda pa Havenmeester, pa percura pa esaki yega na tur instancia concerni y asina trece cierto cosnan den claridad.

E carta ta bisa cu e situacion normal tabata asina cu nan no tabata tin mag di drenta, pero door di palabracion a laga pa esaki sosode. Pero e carta aki no solamente a wordo formula su persona, sino cu el a wordo pidi pa diferente instancia. Curacao tambe ta mantene su mes na reglanan, e dignatario a acentua.

E regla ta cu solamente e barconan di carga cu ta registra na Venezuela por drenta. Esaki pasobra un bez cu nan ta registra aya, nan ta wordo controla caba aya mes. Y si esaki sosode, ora e carga yega Aruba e autoridadnan concerni sa cu esaki ta controla caba.

Asina na Venezuela nan no por bin bisa cu Aruba ta permiti nan drenta, siendo cu nan ta controla na Venezuela caba. Esaki ta duna Aruba un poder pa bisa cu nan mag di drenta, pasobra nan ta wordo permiti for di nos pais bisiña caba y asina den futuro no por tin mal entendimento cu ta Aruba ta permiti esaki.

E dignatario a splica cu e carta aki a cay den bon tera na tur instancia concerni y e ta wordo reinforza di inmediato. Esaki ta haci cu hopi pregunta e minister ta haya door di esnan concerni cu banconan di fruta, y esnan cu ta trece pisca, entre otro.

El reitera cu si un barco asina no ta registra na Venezuela, ta suppose cu no mester wordo acepta na Aruba, pa nos propio salud. E carta aki no solamente ta reforza kico tabata tin caba, pero tur e barconan di carga mester ta registra y controla debidamente na Venezuela.

- Advertisement -

DUNA COMENTARIO

Please enter your comment!
Please enter your name here