Home Policial Boto “Mi Fortaleza” a yega madruga carga cu ilegalnan na Santana di...

Boto “Mi Fortaleza” a yega madruga carga cu ilegalnan na Santana di Cacho

436
0
SHARE
- Advertisement -

Capitan y tripulantenan lo a subi tera

ORANJESTAD   (AAN): E area di Santana di Cacho ta keda uno caminda cu mas y mas boto ta drenta cu ilegalnan y kizas arma y droga tambe.

Diahuebs marduga pasa di 1or e patruya di San Nicolas a topa cu un boto cu a yega for di Venezuela. E boto yama Mi Fortaleza. E patruya na e sitio a pidi refuerzo mesora. Dos unidad mas a bay pa yuda. Na yegada nan a acerca e boto. No a topa ningun hende y tampoco por bisa ki ora e boto a yega tera y pega banda di Santana di Cacho.

E boto Mi Fortaleza tin dos motor. Ora a acerca e boto cu cautela, a topa cu seis tanki di Gasolin abordo y dos motor pega na e boto. Cuater tanki preto y dos tanki blauw. Kustwacht su personal a wordo avisa di e caso aki. Den e caso aki por bisa cu capitan y henter su tripulantenan a subi tera.

No ta descarta cu nan a wordo yuda den e proceso pa otro hendenan cu tambe a bin Sero Colorado. Tur cos ta indica cu tin un of otro miembro cu mester garantiza e cuido di nos costanan cu ta dunando informacion na e grupo organiza cu ta trece ilegalnan.

Un investigacion ta na su lugar.   Kustwacht mes no a haya ningun melding di e boto aki y ta e patruya di Polis a topa cune durante nan patruya den Sero Colorado. Mas mainta prome cu 7or a drenta yamada cu tin un homber na santo blanco ainda canando banda di scol di Polis bayendo abou. El a puntra hasta unda Wendy’s ta keda.

Aparentemente eybanda tin un lugar caminda ta hospeda e ilegalnan. Polis a busca pa e ilegal aki y a bay na Brazil unda ta sospecha cu tin ilegal. No a haya nada. Mientrastanto e boto a keda pega na Santana di Cacho pendiente Kustwacht bin saca esaki.

E control na tera cu patruya tey constant cu Polis y Kustwacht pero claramente por mira cu esaki no ta yuda pasobra net ora cu nan no tey, boto a drenta y dunando indicacion cu tin un “Sapo” ta dunando informacion na e  grupo cu ta trece ilegal.

 

- Advertisement -

DUNA COMENTARIO

Please enter your comment!
Please enter your name here