Home Cultura CAREDECC ta invita bo pa participa den “The Rhythm Online Music Classes”

CAREDECC ta invita bo pa participa den “The Rhythm Online Music Classes”

19
0
SHARE
- Advertisement -

Lesnan GRATIS pa siña musica

ORANJESTAD   (AAN):  Caribbean Resources and Development Center ta un plataforma cu ta conecta entrepreneurnan di Caribe cu inversionistanan internacional. No solamente nan ta conecta nan pero tambe ta guia nan ora nan bira miembro di e plataforma di school online.

Röen Trinidad, CEO y Fundador di CAREDECC a duna di conoce den entrevista cu DIARIO cu  e school online no ta solamente pa nan miembronan so pero pa tur hende den region di Caribe.

Tin lesnan riba nan plataforma pa esnan interesa pero tambe tin lesnan completamente gratis y cu ta dirigi pa e publico en general, incluyendo mucha.

Trinidad a laga sa cu ta pone tog prioridad riba schoolnan y opvangnan pa por haya e lesnan aki gratis.

Nan por registra y subi online y sigui e lesnan via computer, tablet of celular.

Aruba en general ta invita pa participa den e prome les online cu ta bay ta diasabra 21 di April pa 9’or di mainta. Despues e lesnan lo bay ta 2 biaha pa luna GRATIS pa tur esnan cu inscribi.

Ta trata di e les “The Rhythm Online Music Classes” cu e instructor Ronle Rouse conoci como “Ronle Bass”. Esaki ta un les di musica, en general, entre otro “Bass Guitar” y hopi mas. Pa medio di esaki bo por siña con pa lesa tones, y hopi otro cosnan basico relaciona cu musica.

E idioma di instruccion lo ta na ingles y lo tin participacion di personanan di Merca y e region di Caribe.

Esnan interesa por registra pa medio di: https://www.school-network.net/Event/Join/323222442282

of bishita www.caredec.com pa mas informacion. Corda cu cupo ta limita.

 

- Advertisement -

DUNA COMENTARIO

Please enter your comment!
Please enter your name here