Home Hudicial Castigo 34 luna di prison pa dos homber cu a viola un...

Castigo 34 luna di prison pa dos homber cu a viola un dama di 17 aña

222
0
SHARE
????????????????????????????????????
- Advertisement -

Hues a confirma castigo exigi pa Fiscal

ORANJESTAD (AAN): Manera DIARIO a publica recien, ayera mainta e hombernan A. y P. a presenta den Corte pa scucha nan sentencia.

Den sala di corte tabata presente e victima acompaña pa familiar.

   CULPABEL DI VIOLA:

Hues a bisa cu ambos sospechoso a nenga cu dia 18 Februari 2017, nan a viola e dama. Sinembargo, Hues ta haya cu tin suficiente prueba cu ta mustra cu A. y P. a viola e dama caminda a forza e dama pa tin relacion sexual cu nan.

VICTIMA A KEDA AFECTA:

Hues a señala cu A. y P. a viola un dama di 17 aña. Door di esaki a tacha integridad di e dama. Hues ta haya cu A. y P. a satisface nan mes sin tene cuenta cu ta afecta dama.

Hues a mustra cu e dama victima a keda afecta y ta siguiendo tratamento. Hues ta tuma e dos sospechosonan na malo pa esaki.

DEMANDA DI DAÑO:

Pa loke ta e demanda di daño, Hues a bisa cu e victima a demanda 25 mil Florin di daño inmaterial. Hues ta haya cu 5 mil Florin di daño inmaterial ta na su lugar y cu cada un sospechoso lo mester paga e suma aki. Hues a bisa cu e ta pone e medida di pago contra A. y P. y si nan keda sin paga, nan lo mester bay 50 dia sera.

CASTIGO:

Pa cu e castigo, Hues a bisa cu e ta tene cuenta cu e hecho cu A. y P. a keda 30 dia sera den warda di Polis cual ta inhumano. Pesey Hues a dicidi di confima e exigencia di Fiscal cu a exigi 36 luna di prison pero a kita 2 luna como un medida pa e inhusticia di tabata sera mucho tempo den warda di Polis.

Hues a condena A. y P. na 34 luna di prison, kitando e tempo cu nan ta sera den KIA.

- Advertisement -

DUNA COMENTARIO

Please enter your comment!
Please enter your name here