ORANJESTAD(AAN): Un chauffeur bebi den un Toyota Yaris tabata core ireponsable mes den Playa. Pa colmo, el a falta respet tambe pa Comisario di Polis.
Comisario a mira e auto ta core roekeloos den Adriaan Lacle Boulevard, y pesey el a dicidi na bay hala atencion di e chauffeur. Envez di acepta y mustra cu e lo evita esaki den futuro, e chauffeur a mas bien reacciona agresivo y despues di insulta e Comisario, el a sigui su caminda tambe.
Asina a cuminza cu un persecusion y e chauffeur cu e Yaris A-27498 a subi LG Smith Boulevard. Demas Polisnan riba caya a cuminsa tira bista y nan a bin topa cu e chauffeur den Wilhelminastraat banda di Paris Restaurant.
Agentenan a bay atende cune y e Comisario tambe a presenta. A resulta cu e tabata bebi.
E Comisario a atende seriamente cune, y el a keda deteni pa core auto bao influencia y tambe pa coremento di auto sin rijbewijs. E auto a keda confisca y hiba warda di Santa Cruz mescos cu e chauffeur.
