Home Policial Chauffeur burachi a pega den mata di coco banda di La Cabana

Chauffeur burachi a pega den mata di coco banda di La Cabana

66
0
SHARE
- Advertisement -

ORANJESTAD    (AAN): Stuur auto bou influencia di alcohol a causa cu un chauffeur a accidenta cu su Chevrolet Aveo color oranje pabou di La Cabana. Tabata algo pasa di 1or y 5am diadomingo madruga, security di La Cabana a avisa polis cu un auto a accidenta pabou di La Cabana y tin hende herida.

Despues a sigui drenta informacion cu mas bien e chauffeur ta burachi y ta haciendo intentonan pa bandona e sitio cu e auto. E patruyanan di Noord a yega na e sitio menciona y a bin topa cu e auto numera A-23621 pega riba un palo di coco.

Polis a bay atende cu e chauffeur y nan a nota cu e homber ta pata pata burachi. E homber a cuminsa insulta polis y a keda deteni. Polis a manda pidi presencia di dogcatcher pa asina transporta e homber pa warda di Shaba.

Polis a haya informacion cu un muhe den e auto a bandona e sitio. A  busca drechi den ki direccion el a bay. Polis a bay su tras y a topa cune riba un distancia mas leu. A resulta cu e no ta local y no por a mustra documentonan pa prueba cu e ta legal na Aruba. A bay cune warda y despues a transporte pa Guarda Nos Costa.

 

 

- Advertisement -

DUNA COMENTARIO

Please enter your comment!
Please enter your name here