ORANJESTAD(AAN): Diamars atardi alrededor di 6’or, autoridad a registra un accident riba caminda principal di San Nicolas pa Playa, na altura di Avenida Milio Croes, pues e cruzada di Pricesmart.
Un accidente entre un Kia Sportage color shinishi cu number A-36483 y un Scooter.
E Scooter tabata riba caminda grandi bayendo direccion Airport, y net ora e motociclista tabata yegando e crusada, e chauffeur di e Sportage a sali di e crusada y no a mira e scooter mes.
Pesey mes e Scooter a dal den e footstep na banda di e Sportage.
E manehado di e scooter a pidi presencia di ambulance pa asina worde controla na e lugar.
BLIND-SPOT:
Aki atrobe e accident a socede pasobra chauffeurnan posiblemente no ta tene cuenta cu e A-Pillar (y e spiel) di vehiculo ta stroba bo bista pa mira kico ta bin na banda drechi di bo auto.
Manera DIARIO a splica e siman aki caba, chauffeurnan na cruzada tin di hala nan cabez dilanti y patras pa asina mira si por tin algo scondi patras di e pilar cu tin mey-mey di bo windshield y e porta di pasahero, manera por mira riba e grafico aki.
Pa colmo, awor tin hopi chauffeur cu ta yena e pida aki cu coleccion di sticker di Nummerplaat di Belasting, y tambe tin sticker atrobe di Keuringslokaal. Nan tur ta yuda reduci visibilidad. Mester cuminza kita stickernan bieu, y cu un blade esaki ta socede facilmente.
Scooter y e vehicuo a haya daño minimal.
