Home Gobierno Comision Flora y Fauna lo duna conseho na Gobierno tocante naturalesa y...

Comision Flora y Fauna lo duna conseho na Gobierno tocante naturalesa y medio ambiente

131
0
SHARE
- Advertisement -

Minister Otmar Oduber:

ORANJESTAD (AAN); Diamars Minister Otmar Oduber conhuntamente cu su staff di Ministerio di Infrastructura y Medio Ambiente a sinta cu e personanan cu lo worde apunta pa forma parti di e comision Flora y Fauna.

Por medio di ley di naturalesa, e Natuurbeschermingsverordening, e Minister encarga cu proteccion di medio ambiente y naturalesa, tin e habilidad y tambe deber pa instala un comision pa asina por dune conseho relaciona cu diferente tema cu tin di haber cu nos naturalesa. En conexion cu esaki, a sa di acerca diferente personanan cu tin posicion clave den comunidad, cada un cu nan experticio sumamente importante,  pa cuminsa e proceso pa instala y sigui cu e trabaonan di comision flora y fauna.

Di parti di Minsiterio por informa cu e idea aki ta uno sumamente importante pa por a sinta cu diferente personanan y asina intercambia e diferente perspectivanan, preocupacionnan y ideanan tocante nos Medio ambiente y e maneho di esaki. E aspecto di crea un balansa ta worde mira como algo hopi importante y tambe pa por compronde y por inclui e perspectivanan di comunidad y perspectiva di parti di Gobierno. Ta sumamente contento di por conta cu aporte di diferente expertonan den e comision di flora y fauna.

Pa locual ta e miembronan, por meciona e nombernan cual ta: señora Dilma Arends, señora Anastacia Brete, señora Mirsha Winterdaal, señora Hillegonda Rodriguez-Taekema y señora Damilice Mansur. Manera menciona e comision aki tin diferente experticio den e area maritimo pero tambe di nos matanan local, nos leynan y e experiencia di ta opera den practica pa locual cu ta nos medio ambiente.

Aworaki Aruba ta na e momento unda cu e aspecto di medio ambiente y desaroyo balansa ta worde mira como uno sumamente importante y ta mira cu e trabao y e conseho cu e comsion por duna ta uno sumamente balioso y necesario. Ta desea tur miembro di e comison aki hopi exito y conhuntamente lo traha riba un desaroyo balansa y tambe e bienestar di nos medio ambiente.

 

- Advertisement -

DUNA COMENTARIO

Please enter your comment!
Please enter your name here