Home Gobierno Comision Flora y Fauna ta keda reactiva cu un rol importante den...

Comision Flora y Fauna ta keda reactiva cu un rol importante den e maneho teritorial

7
0
SHARE
- Advertisement -

Minister Otmar Oduber:

ORANJESTAD (AAN): E comision di Flora y Fauna ta un comision sumamente importante cu por yuda Gobierno y Minister den e maneho cu tincu worde hiba tambe por medio di consehonan cu por worde brinda den diferente proyecto cu por worde ehecuta.

Den cuadro di mantencion di un desaroyo economico sostenibel of balansa manera ta e intencion cu desaroyonan den futuro. Banda di rapportnan cu ta worde traha, nos leynan ta duna e posibilidad pa tin un comision cu nunca a worde duna e importancia den existencia di leynan na e momentonan aki.

Minister encarga cu Infrastructura y Medio ambiente Otmar Oduber a duna di conoce cu a reactiva e comision Flora y Fauna aki cu ta necesario pa por cumpli cu cierto leynan cu Gobierno pa hopi aña no ta cumpli cu ne. E Reactivasion ta encera pone miembronan den dje y lage tin un rol activo na momento di conseha Gobierno, pero tambe activo den e rol cu nan mester tin den ehecusion di e diferente leynan y manehonan cu Gobierno ta bay tin.

Ministerio di Infrastructura y Medio Ambiente no a worde poni hunto pa casualidad, nan a worde poni hunto netamente pa crea e scenario unda cu e balansa ta worde crea entre proteccion di nos medio ambiente y naturalesa y e desaroyo economico y infrastructural cu tin den bo isla.

Pa hopi aña no a duna importancia na e aspecto aki di flora y fauna y medio ambiente y esey tambe ta e motibo pa cual cierto momento bo ta haya un reaccion den comunidad di Aruba contra desaroyo infrastructural cu ta tuma luga, pasobra nan no ta sinti cu tin e midimento of estudionan necesario ora cu ta desaroya diferente areanan riba nos isla economicamente.

Pesey mi ta kere e ta importante, mi ta contento cu e paso aki cu tuma y cu e miembronan cu nos a haya tambe pa cual kier gradici nan di awo caba, pasobra no ta trata un trabao facil. E trabao di e comision ta un trabao cu mester worde haci cu dedicacion y amor hopi, pero cu sigur ta contribui na e desaroyo balansa cu nos tanto ta busca den nos comunidad.

 

- Advertisement -

DUNA COMENTARIO

Please enter your comment!
Please enter your name here