Home Ciencia y Tecnologia Computernan Gubernamental di St. Maarten a bira victima di hacking

Computernan Gubernamental di St. Maarten a bira victima di hacking

8
0
SHARE
- Advertisement -

ORANJESTAD (AAN): Informacion di Isla Ariba, ta mustra cu diferente cyber-atack a wordo haci riba computernan di Gobierno di St. Maarten.

No tin hopi detaye di e caso aki di hacking.  E corant The Daily Herald si a indica cu loke a pasa ta un ‘atake’, y e prome efecto di e hacking aki a wordo sinti riba Dialuna 2 di April cu a pasa.

No ta conoci si acaso computernan di Gobierno di St. Maarten a bira victima di un atake directo, of ta via di ransom-ware.  Pero si a sali na cla cu a dura algun dia prome cu algun servicio di Gobierno na publico por a cuminza funciona bek.

DIARIO a compronde cu algun compania na Aruba tambe a bira victima di ransom-ware.  Esey ta socede ora cu hackernan ta manda email pa empleadonan, y esnan cu habri esaki sin ningun clase di proteccion of sentido comun, ta bira victima.  Ransom-ware ta pone tur bo filenan wordo encrypted.

E hacker e ora ta exigi pa bo paga un suma grandi, pa asina bo por haya e ‘yabi’ electronico pa bo haya bo files bek.  Tin indicacion cu na Aruba, algun compania a djis opta pa format nan server full di nobo, y recupera nan propio backup.

No ta conoci si acaso na Aruba tambe lo por a pasa algo asina cu Oficinanan di Gobierno, aunke tin algun persona ta mustra cu siman pasa tabatin un Oficina di Gobierno di Aruba cu computernan down pa como 3 dia largo.

 

- Advertisement -

DUNA COMENTARIO

Please enter your comment!
Please enter your name here