Home Policial Container a kima completo na Hato

Container a kima completo na Hato

162
0
SHARE
- Advertisement -

ORANJESTAD(AAN): Tabata Dialuna algo pasa di 4:00 pm, cu alarma a activa na Cuerpo di Bombero.

E informe a drenta cu un Container cu tin varios artefacto den dje, ta kimando.

Sinembargo, ora Polis y Brandweer a yega a tuma nota cu ya e container a kima por completo caba. E tabata net pazuid di EPB Hato.

Den e container tabatin airco, frigidaire y otro articulo mas cu a kima. E departamento forensico di Polis, conoci como BFTO a presenta na e lugar pa haci un investigacion relaciona cu e candela, cu tin tur indicacion di ta cendi intencionalmente.

DIARIO a haya extra informacion y tin indicacion cu e container cu contenido ta staciona riba tereno Eigendom di famia Bruin.  Y e proyecto di Watty Vos Boulevard lo pasa RIBA e tereno.

Segun informacion, for di hopi aña caba famia y DOW ta negociando pa e traspaso di e tereno pa nan construi e Boulevard. E tereno ta net riba Cuquisastraat.

Awor parce cu e negociacionnan ta trancando ainda.  Pero sorprendentemente DOW a cuminza roza e tereno kita tur mata pa prepara e construccion di e Boulevard. Sinembargo AINDA e traspaso di e tereno pa DOW aki NO a tuma lugar!!!

Pesey e container ta staciona ainda riba e tereno eigendom. Pues DOW ta cla pa construi un Boulevard na Ponton siendo ainda e tereno NO ta pertenece na Gobierno!!!

Awo ta den man di autoridad investiga kico precis a pasa cu e container aki a cende candela.

 

 

- Advertisement -

DUNA COMENTARIO

Please enter your comment!
Please enter your name here