Home Comentario Costa Rica tambe ta celebra dia di su Heroe Nacional Juan Santamaria

Costa Rica tambe ta celebra dia di su Heroe Nacional Juan Santamaria

8
0
SHARE
- Advertisement -

157 aniversario Bataya di Rivas:

ORANJESTAD (AAN) – Dia 11 di April ta un dia grandi pa e pais centroamericano Costa Rica. Un pais chikito cu poco biaha ta divulga informacion tocante su procernan, apesar cu tin hopi y cu a haci cosnan grandi pa e pais.

Dia 11 di April a wordo conmemora e di 157 aniversario di e Batalla di Rivas. Riba e fecha aki e hoben Juan Santamaria a kima e asina yama Meson di Guera, den cual e heroe a entrega su bida den e candela aki y asina a permiti e Costaricensenan vence e invasion di e filubusteronan di William Walker, y adkiri e ciudad di Rivas, na e Provincia di Guanacaste.

Na 1856 e presidente di Costa Rica, Juan Rafael Mora, a declara e guera na William Walker, un aventurero di Merca cu a drenta Nicaragua, pais bisiña di Costa Rica, y masha lihe a tuma e poder. E tabata pretende domina henter Centroamerica, y converti e istmo den un imperio cu cativo. Cu e bataya di Santa Rosa dia 20 di Maart 1856, cu e costaricensenan a gana, su ehercito a sigui avanza door di Nicaragua.

Dia 11 di April e filibusteronan a enfrenta e costaricensenan na Rivas, teritorio cu a anexa despues na Costa Rica, y den un bataya hopi pisa cu hopi morto y hende herida a gana e guera. Juan Santamaria a contribui dunando su bida door di a kima e meson. Pero su hecho heroico a wordo reconoci publicamente te dia 11 di April 1891 y for di e fecha aki a cuminza idealiza Santamaria como Heroe Nacional.

 

- Advertisement -

DUNA COMENTARIO

Please enter your comment!
Please enter your name here