Home Salud Curso di Prome Auxilio y CPR tabata exitoso

Curso di Prome Auxilio y CPR tabata exitoso

15
0
SHARE
- Advertisement -

ORANJESTAD (AAN): Un exito sin duda alguno, tabata e anochi di curso di CPR & Choking den Centro di Bario Brazil.

E anochi di curso, Family & Friends CPR, tabata uno hopi interesante, un exito serio. Esaki tabata notabel den e participantenan cu a practica durante di henter e curso. Nan tabata haya varios repiticion con pa duna CPR for di baby te cu hende grandi. Tambe con pa trata un persona cu Choke (pega cu algo den garganta).

Loke a resalta ora cu a publica di e curso di CPR & Choking den Centro di Bario Brazil ta, e interes enorme den nos comunidad pa cursonan asina. Desde e promer dia cu a habri inscripcion ya e cantidad di interesadonan a sobrepasa e 30 cuponan cu tabata di acepta. Cu despues a bira 65 cursista mientras ainda a keda alrededor di 40 interesando riba lista di reserva.

Esaki ta un yamada serio pa duna mas di e cursonan aki especialmente na schoolnan. Hopi ta esnan cu ya a yega di haci e cursonan aki caba, por- ehempel maestronan, pero mester keda worde repiti cada tanto tempo.

Un danki ta bay  na e team di profesional cu a duna e curso especialmente na señora Olga Tromp, un nurse di Hospital di mas cu 40 aña di experencia y sr. John Tromp ImSan, cu a encabesa e curso hunto cu e profecionalnan den ramo aki cu ta Azriah Palm, Melvin Tromp, Joshmar Hoek, Carlos Peterson, Leon Hooker, Lucretia y Gino.

Aruba ta conta cu 65 persona mas cu a ricibi nan certificado. Un curso di orientacion na nivil pa por yuda un persona cu mester un ayudo medico te ora ayudo profesional yega na elugar.

Centro di Bario Brazil ta bay sigui organiza mas curso di CPR y Choking, alimentacion pero tambe di actividadnan fisico y salud.

 

- Advertisement -

DUNA COMENTARIO

Please enter your comment!
Please enter your name here